بوچى كچ و ژن ههردهم د بێ زهوق و بێ زارن؟
نوش نیوز:
د جڤاكێ مه دا پتریا كچ و ژنا ههنه د بێ زار و بێ زهوقن و ئهگهرێ ئهڤێ نهخوشیێ ژى چهند ئهگهرێن رێزبهندن و چارهسهركارهكێ دهرونى لدور بێ زاریا كچا بو نوش نیوز دیاركر: ژنا كورد وهك ژنێن وهلاتێن دیتر دهلیڤا كاركرن و دهركهفتنێ ژ مال نینه لهورا ئێدى وهل ژنا كورد هاتیه كو باوهرى ب خو نهمایه و ههر یا بن دهسته لهورا ئهگهر تهماشه بكهین پتریا ژنێن كورد ههردهم د داماى نه و د هزرا دا د بهرزه نه و بهردهوام هزر كرن د بیته ئهگهر نهخوشیێن مهزن سهر مرۆڤى دا بهێت .
سەرۆەر رەزیکى چارهسهركارێ دهرونى ئهو چهنده دوپاتكر: كهرستهك یێ د مێشكى مرۆڤى دا ههى یێ تایبهته ب زهوق و خوشیێ ڤه ههردهمێ مرۆڤ گهلهك ب هزرا ڤه ما ل وى دهمى ئهو كهرسته دێ كێم بیت و به ردهوام مرۆڤ یێ بێ زهوق و لاواز بیت و دیسان ژى دگهل تیرۆژكا رۆژێ كهرستهكێ تایبهت یێ ههى كو گرێدایه ب زهق و خوشیا مرۆڤى ڤه و ئهو كهرسته ل دهمژمێر (7تا12) نیڤرۆ ئهو كهرسته دگهل تیرۆژكا رۆژێ دیار دبیت لهورا ئهگهر مرۆڤ چهند خۆلهكان ل بهر ههتاڤێ ب مینیت دێ ساخلهمیا مرۆڤى بهرهڤ باشبونێ ڤه شیت و دیسان ژى گهلهك ژن و كچ ههنه سپێدههیان زوى ژ خهو نارابن و ئهڤ ژنه ههردهم د لاواز و بێ زار و بێ زهوقن لهورا ئهو ژنا سپێدێ زوى رابیت و تێشتا خوه بخوت ههردهم ئهو ژنه ساخلهمتره ژ وێ ژنێ ئهوا نیڤرۆ ژ خهو رابیت و دیسان ژى ژ خهو رابونا زوى سپێدههیان دبیته ئهگهر دلێ مرۆڤى خوشتر بیت.
تُتاح هذه الصورة أيضا في: کوردی