نەبوونا ڤیتامین A دێ کێشەیان بۆ تە دروست کەت
ئەڤرۆ نیوز:
ڤیتامین A ئێکە ژ وان ڤیتامینێن کو رۆلەکێ گرنگ دبینن، د برێڤەبرنا ئەرکێن لەشی دا، ژ وان ژی ب ھێزبوونا بەرگریا لەشی، باش بوونا دیتنا چاڤان، ھەبوونا پیستەکێ ساخلەم ، مرۆڤ دشێت ب دو رێیان ڤیتامین A بۆ لەشی دابین بکەت، ئێک ب رێیا حەبکان، ئێک ژی ب رێیا خوارنێن وەکو، گوشتێ سور، ماسی، ھێک، بەرھەمێن شیری و ھندەک جۆرێن فێقی وەک فێقیێ رەنگ سوور و زەر.
نەبوونا ڤیتامین A دێ کێشەیان بۆ تە دروست کەت:
– ھشک بوونا پیستی: ڤیتامین A گەلەک یا گرنگە ل دروست بوونا خانێن نوو دا ، لەوما کێمیا وێ دێ بیتە ئەگەرێ ھشک بوونا پیست و نەخۆشیا ئێکزیما.
– ھشکبوونا چاڤان: کێمیا ڤیتامین A دێ بیتە ئەگەرێ کورەبوونێ، ھشکبوونا چاڤان و ژناڤچوونا بیبلکا چاڤان.
– شەڤکویری: ڤەکۆلینەکێ ئەڤە پشت راست کریە، کو شەڤکویری ئەگەرێ سەرەکی یێ کێمبوونا ڤیتامین A یە.
– کێشا زکپربوونێ: ڤیتامین A بۆ ھەردو ڕەگەزێن ژن و زەلامان یا گرنگە، ھەکە ھەر ئێک ژ وان ئەڤ ڤیتامینە یا ژێ کێم بیت، رەنگە نەشێن ببنە خودان زارۆک.
– کێمیا گەشەیا زارۆکی: ڤیتامین A ئێکە ژ وان ڤیتامینێن گەلەک گرنگ بۆ گەشەکرنا زارۆکی، لەوما کێمیا ڤێ ڤیتامینێ ھۆکارە بۆ لاوازیا گەشەیا زارۆکی.
– کولبوونا گەوریێ و سنگی: زوو زوو توشبوون ب کولبوونێ، ب تایبەتی ل گەوری یێ و سنگیدا ھۆکارە بۆ کێمیا ڤیتامین A د لەشی دا.
. پرسک : د دو ڤەکۆلینان دا ئەو چەندە دیارکریە، کو کێمیا ڤیتامین A دێ بیتە ئەگەرێ ھەبوونا پرسکان ل سەر پستێ مرۆڤی.
تُتاح هذه الصورة أيضا في: کوردی