ئەندۆمی ڤان زیانا دگەهینیتە مرۆڤی
نۆش نیوز:
ئەندومی ب ساناهی دهێتە ئامادەکرن، بەلێ زیانێن وێ د مەزنن و پێدڤیە رادەیەک بو خوارنا وان بهێتە دانان، ژ گرنگترین زیانێن وێ:
1- روین و کالوری:
ئەندومی ژ رێژەیەکا بلند یا روین و کالوریان و سودیومی پێک دهێت، هەروەسا رێژەکا مەزن یا رەنگێن دەستکرد و کەرستێن پاراستنا خوارنێ، ل ڤێرێ مەترسی و زیانێن وێ یێن خراب لسەر ساخلەمیێ دیاردبن.
ئەندومی دبیتە ئەگەرێ قەلەویێ ژبەرکو گەلەک روین دناڤدا هەنە و هەکە تو ئەو تشتێ لسەر پاکێتا وێ بخوینی دێ دیاربیت هەر پاکێتەک 350 کالوریان ددەتە لەشی و ژوانژی 139 کالوریێن روینی نە و ئەڤە دبیتە ئەگەرێ کۆمڤەبوونا روینی دلەشیدا.
2- زیانێ ل کۆئەندامێ دەماران دکەت:
ئەندومی ژ خوێ یا صینی (گلوتامیتێ ئێکەم سودیومی) پێک دهێت ئانکو دبێژنێ تاما E621، وئەڤە ژ مەترسیترین کەرستانە لسەر هاتیە زێدەکرن ژبەرکو:
– دبیت کاربکەت بو ژناڤبرنا شانەیێن مەژیێ مرۆڤی.
– دبیت بیردانک وشیانێن هزرکرنێ کێم بکەت.
– گرێدای هندەک نەخۆشیێن دەمارانە وەکو ڤەلەرزین و ئەلزەهایمەرێ.
3-زیانێ ل جگەرێ دکەت:
ئەندومی ژ کەرستێ (پروپیلین گلیکول) پێک دهێت ئەو کەرستە کاردکەت بو پاراستن و شەهگرتنا رژدەی و ڤەکولین دیاردکەن کو کەرستێ ناڤبری دبیت کارتێکرنێ ل جگەرێ و گولچیسکا و دلی بکەت و ب تایبەت ل دەف زارۆیان.
4-ئەگەرێ پەنجەشێرێ یە:
خوارنا گەلەک یا مەعکەرۆنێن ب لەز دهێنە ئامادەکرن و ب شێوەیەکێ بەردەوام رەنگە پەنجەشێرا خوینێ پەیداببیت.
5- کارتێکرنێ ل ساخلەمیا دەروونی دکەت:
کەسێن ئەندومیا دخوون پتر تووشی تێهەلچوون و ئالوزیێ دبن.
6-سەرئێشان:
کەسێن مەعکەرونێن ب لەز دهێنە ئامادەکرن دخوون، پتر تووشی سەرئێشانێ و شقەسەرێ دبن، ژبەرکو رێژا روینی و کەرستێن پارێزیێ دناڤدا زێدەترە.
7-بلندبوونا کولیسترولی:
بەردەوام خوارنا ئەندومیا دبیت ببیتە ئەگەرێ بلندبوونا کولیسترولێ ب زیان دخوینێ دا.
8- یا ب زیانە بو گولچیسکان:
کارتێکرنێ ل گولچیسکان دکەت و دبیتە ئەگەرێ پووچبوونا وان، ژبەرکو گەلەک سودیوم دناڤدا هەیە.
9- بلندکرنا فشارا خوینێ:
دیسان سودیوم دبیتە ئەگەرێ بلندبوونا فشارا خوینێ و کارتێکرنێ ل دلی و خوینبەران دکەت، لەورا نابیت تووشبوویێن ئێشێن دلی بخوون.
هەکە تە بڤێت ساخلەمیا تە یا پاراستی بیت، خوارنەکا هەڤسەگ و جورا و جور بخوو و خوە دووربکە ژ تشتێ دەستکرد و پری روین و کەرستێن ب زیان.
تُتاح هذه الصورة أيضا في: کوردی