ل ته‌لقه‌سب كۆمبوونه‌كا ڤه‌كری یا په‌روه‌رده و فێركرنێ هاته سازكرن
تۆرا لالش
ل رۆژا 10ێ ئه‌یلوولا 2024ێ، كۆمبوونه‌كا ڤه‌كری یا په‌روه‌رده و فێركرنێ ل كۆمه‌لگه‌ها ته‌لقه‌سب هاته گێران، ئه‌ندامێ بنگه‌هێ لاله‌ش شنگال، جه‌لال خرمش خه‌له‌ف، سه‌رپه‌رشتیا كۆمبوونێ كر كو تێدا به‌حسێ گرنگیا په‌روه‌رده و فێركرنێ و چاوانیا چاره‌سه‌ركرنا ئاسته‌نگان هاته كرن.
د كۆمبوونێ دا، به‌شداران گرنگیا هاندانا قوتابیان بۆ به‌رده‌وامبوونا خواندنێ و په‌یداكرنا شیانێن نوی یێن فێركرنێ ئاخفتن ل سه‌ر كر. هه‌روه‌سا رۆلێ دایك و بابان د پرۆسه‌یا فێركرنێ دا هاته به‌حسكرن، و هاته دیاركرن كو قوتابخانه ب ته‌نێ نه‌شێت نه‌وه‌كێ هشیار و خواندی په‌روه‌رده بكه‌ت بێ هاریكاریا مالباتان.
د داویێ دا، به‌حسێ كارتێكرنا تۆره‌یێن جڤاكی ل سه‌ر خواندنا قوتابیان هاته كرن، و هاته دیاركرن كو ئه‌ڤ تۆره بووینه ئاسته‌نگ ل به‌ر گه‌له‌ك قوتابیان.
ئه‌ڤ كۆمبوونه ب به‌شداریا رێڤه‌به‌ر و كۆمه‌كا مامۆستایێن قوتابخانه‌یێن كۆمه‌لگه‌ها ته‌لقه‌سب هاتبوو ئه‌نجامدان.
تُتاح هذه الصورة أيضا في: کوردی
