كچێن چالاكڤانێن ئێزدی بێدەنگییا نێڤ دەولەتی ل دۆر كێشا گرتیێن ئێزدی شەرمەزار دكن 
دەنگێ لالش،ریسالە شەركانی
چالاكڤانێن كچێن ئێزدی جارەكا دی بێدەنگییا جڤاكێ نێڤ دەولەتی رسوا و شەرمەزار دكن بەرامبەر گرتیێن ئێزدی یێن هەتا نۆكە د دەستێ داعشێ دا ل سوریا وعێراقێ مایین،ئاشكەرا دكن كو ئەو گرتی نە تووشی توندترین نەخۆشیا دبن ژلایێ داعش ڤە ب تایبەتی ئەو گوندێن ئەرەبا یێن نێزیك و دناڤ شنگالێ دا و زانیاری هەنە كرین وفرۆتن پێ دئێتە كرن بۆ وەلاتێن ئەرەبا.
چالاكڤانا كچا ئێزدی(هەدیا خەلەف)دبێژت:پشتی سێ سالا بازرگانی ب كچا ئێزدی دئێتە كرن، مخابن ژنێن جیهانێ دبێ دەنگن و وان چوو مەفەر نینن و هەر یێ دوان نەخۆشییا دە ، لەورا دڤێت ژنێن ئێزدی بەرەڤانیێ ژمافێن ژنێ بكن یێن ئیرۆ ب ئەرزانترین بها دئێنە فرۆتن ومە بەلگە هەینە كا چاوە كچێن ئێزدی تووشی توندترین نەخۆشیا دبن ژلایێ داعش ڤە ب تایبەتی ئەو گوندێن ئەرەبا یێن نێزیك و دناڤ شنگالێ دا.
ژبال خۆڤە چالاكڤان(پەروین موراد)دبێژت:دەربارەی وان قوربانیێن بێ گونەهە یێن د دەستێ تیرۆرستێن داعش دە چەندین دیدەڤان ل سەر چیرۆكێن ب ترس ژ رزگاربوویان گەهشتینە مە ، ب سەدەها ژن ب رێیا نڤیسینگەها كاروبارێن رەڤاندییا هاتینە رزگاركرن وهەتا نۆكە ژی پتر ژسێ هەزار ژن وزارۆكا د دەستێ تیرۆرستێن داعشێ دانە و مە زانیاری ل سەر هەینە كو كرین وفرۆتن پێ دئێتە كرن بۆ وەلاتێن ئەرەبا.
تُتاح هذه الصورة أيضا في: کوردی