ل بیرەوەریا سالڤەگەرا رۆژناما دەنگێ لالش
شەمۆ قاسم/ سەرنڤیسەرێ رۆژناما دەنگێ لالش 
راگەهاندن وگەهاندنا پەیاما بنگەهێ لالش بۆ هەموو جیهانێ و رایا گشتی ل كوردستانێ وعێراقێ ئێك ژ ئارمانجێن بنگەهێ لالش بوو،هەر ژدامەزراندنێ و هەتا نهۆ كار كریە ڤی لایی پێشبێخت ومالپەرەكی بهێز دانایە وگۆڤارەكا ئەكادیمی وەكا گۆڤارا لالش هەیە وچەندین گۆڤارێن دن ژی هەنە،دیسان رۆژناما دەنگێ لالش یە پرۆفیشینالە دنووچەیێن دەڤەرێن ئێزدینشین دا و ل رێزا ئێكێ دئێت بۆ بەلاڤكرن وگەهاندنا نووچەیان و گەهاندنا ئاریشان بۆ دەستهەلاتێ،بۆ زانین ل رۆژا ئێك شەمبوویێ ژ هەفتیێ ب دیزاینەكا پێشكەفتی دئێتە وەشاندن و ب هەمان دیزاین و رەنگا ورەنگ ل مالپەرێ( lalish medya nitwork_شبكە لالش الاعلامیە) دئێتە بەلاڤكرن،ئۆمێدەوارن دسالا خۆ یا پانزێ دا ببتە(12) لاپەری وهەموو ب زمانێ دەیكێ و خۆلێن پێشئێخستنا راگەهاندنێ بۆ دەستەك و پەیامنێرێن دەنگێ لالش بێنە ڤەكرن وئەوێن چالاك بێنە خەلاتكرن،دەنگێ لالش كاریە دتەمەنێ خۆ یێ چاردە سالی دە ڤان كاران ئەنجام بدەت و دێ بەردەوامیێ دەتە كارێ خۆ ل سالا پازدێ ب هیمەتا دەستەكا رێڤەبەر و پشتەڤانیا سەرۆك وئەندامێن دەستەیا بلندا بنگەهێ لالش:1_ ل دەستپێكا وەشانا خۆ دا وەك بەلاڤۆكا دەنگێ ئێزدیان هاتیە راگەهاندن،2_ یەكەمین رۆژنامەیە بەردەوامی دایە كارێ خۆ دڤی ماوێ درێژدا بێی سەكناندن،3_ هەردەم بوویە مایێ هشیاركرنا هەستێ كوردایەتیێ دناڤا جڤاكێ ئێزدیان دا،4_ بوویە ژێدەرەكی سەرەكی بۆ ناساندنا رێورەسم و بیروباوەرێن ئێزدیاتیێ بۆ خەلكێ كوردستانێ و جیهانێ،5_ پشتەڤانیا دەزگەهێن راگەهاندنێ كریە بۆ هەر بوویەرەكا سیاسی یان نەتەوی یان هەلبژارتنێن ل كوردستانێ روو ددەن،6_ هەر ژ دەستپێكا جینۆسایدا شنگالێ ودەڤەرێن دی یێن كوردستانێ دەمێ كەفتینە بەر شالاوا داگیركرنا رێكخراوا تیرۆرستیا داعشێ ل دەستپێكا مەها تەباخا(2014)ێ وهەتا نهۆ بوویە رۆژنامەكا سەرەكی بۆ بەلاڤكرنا روودانێن جینۆسایدێ ب هەر هەشت لاپەرێن خۆ ب زمانێن كوردی و ئەرەبی، و بوویە ژێَدەرەك بۆ وەرگرتنا هەر پێزانینەكێ لدۆر جینۆسایدا شنگالێ،7_ گازندە وئاریشێن خەلكێ ئاوارە گەهاندینە جیێن دەستهلات و شۆلەژێ و بوویە رێخۆشكەر بۆ رێكخراوێن جڤاكێ سڤیل ونێڤ دەولەتی ژبۆ خزمەتا ئاواران.
تُتاح هذه الصورة أيضا في: کوردی