پەیڤەك دەرهەقێ مامۆستای دا
سەگڤان شنگالی
مامۆستا ب مام و هۆستا و رێبەر و رێنیشاندەرێ قوتابی و ژیانێ دئێتە دانان و بڤێ چەندێ ئەركێن ژیانێ و رێڤەبرنێ رادبت و دڤێ چەندێ دا دبتە پێشەنگ و پێشەوا،د گۆشەیەكێ دە دناڤ خێزانێ دە وەك دەیك و باب دبنە مامۆستا ئەم دكارن بێژن ب رێبەرێن یەكێ دئێنە دانان ژبۆ فێركرن و ئاڤاكرنا ژیانا كەسێن ناڤ خێزانێ و ناڤ جڤاكی دا،دیسا ئەم دكارن بێژن ئەڤ ئالیە مامۆستایێن گرێدایی پەروەردێ و زانست ڤە ژی ئاڤا دكن،و پشتی ئالیێ یەكێ ئانكو د گۆشەیەكا دی دا مامۆستا ب رێبەرێ دووێ دئێت لسەر ئاستێ ژیانێ و هەبوونێ كو مەرەما مە دڤردە ئەو مامۆستایە ئەوێ گرێدایی ئالیێ پەروەردێ و زانست و زانینێ.
ئاڤاكرنا تاكێن جڤاك و رێڤەبرنا كاروبارێن ژیانێ یێن رۆژانە ب شێوەكی سیستەمكری و ئاشتی و ئازادی و خۆشیا ژیانێ و ئانینا هزرا دەولەتان ب هەموو شێوەیێن خۆڤە بۆ ناڤ جڤاكێن مرۆڤاتیێ و دامەزراندنا دەولەتان و جوداكرنا وان ژ یەك لسەر دەستێ یەك كەسی و یەك ناسناڤی یە كو ئەو ژی(مامۆستایە)،هەروەسا ئەو مامۆستایە چەندین ناسناڤ و كەسایەتیێن دی یێن گرنگ دناڤ جڤاكی دا پەروەردە دكت و پێشدا دبت ژ وان ژی وەك(نۆژدار،پارێزەر،جڤاكناس،ئابوورناس،رێڤەبەر،دادوەر،سیاسەتڤان،پۆلیس،سەرۆك،سركردە،هتد…)،ئەڤێن مە گۆتین لسەر دەستێ مامۆستای دئێنە بلندكرن و دگەهنە بسپۆریا خۆ یا ژیانێ بڤێ چەندێ ئەم دكارن بێژن كو پیرۆزترین ئالیێ جڤاكی مامۆستایە!.
بەلێ دڤێت لسەر ڤی ئەركێ مەزن را كو مامۆستا پێ رادبت ئەو مامۆستا هەكە چ پلەیا جڤاكی هەبت ئەركێ خۆ مسۆگەر و بێ كێماسی بجهـ بینت و وی بارێ گران لگۆرەی پلە و كارینا خۆ لسەر ملێن خۆ راكەت و ل وی ناسناڤی خوەدی دەركەڤت و ژلایێ خۆ ڤە و ل پێ بسپۆریا خۆ ژیانێ ئاڤا بكت.
تُتاح هذه الصورة أيضا في: کوردی