وەرزێ زڤستانێ
مەهدی حەسەن موراد
وەرزێ زڤستانێ ئێکە ژ وان وەرزێن سالێ کو ب دویڤ وەرزێ پایزێ دهێت ، ئەو وەرزێ بەرنیاس ب وەرزێ ب سرو سەرمایێ و بەفرو بارانان ،شەڤا ١٥ ل سەر ١٦ێ چریا دوویێ ب حسابا رۆژهەلاتێ د بتە رۆژا ئێکی ژ زڤستانی ئەی ١١/٢٩ی ڤێ هەیڤێ ل ڤێ رۆژێ پایز ب دوماهیک د هێت و دبتە زڤستان ئەم ئێزدی د بێژینە ڤێ رۆژێ ( عیدا پلێ).
پلێ : دەمێ ریژەکا بارانێ یە زۆر د باریت و عەرد تێر ئاڤ بیت جوتیار د بێژن پلێ یا کەڤتی، پیڤەرێ پلێ ژی (جونی) یە دەمێ جونی ل بەر دەرێ مالێ تژی ئاڤ بت ، ئەڤ چەندە ژی دبتە جهێ دلخۆشیا جوتیارا چەند گێسنێ خو دانێن دێ چتەخار و حەشکی نامینت کو عەرد یێ تێری باران بوی و ئەو دەخل و دانێ د هاتە چاندن قوتێ وان دێ مسۆگر بت دەمێ پلێ د کەفت و د گۆتن پلێ یا کەفتی ، جوتیارا ژ کەیفا دلخۆشی د بون و د گۆتنا ڤێ رۆژێ ( عیدا پلێ ) وەکی دی زڤستان دەرفەتەکە مرۆڤ بێهنا خۆ تێدا ڤەدەن ماندیبونا هاڤین و پایزێ ژ بیر بکەن، پەیوەندیێن خو دگەل خودایێ خو بهزبکەن..
گۆتنەکا مەزنا ل سەر زڤستانێ هەیە دبێژن (چ ژ دهنگێ تپ تپا پێت دهيندارى و چپ چپا دهنگێ دلوپان نهخوشتر نينه)ل زڤستانێ .
ژ قەولێ مەها ژی دیار د کەت و دبێژت
دێ ژ پاییزێ دەیین ئوسفەتێ
یەتژیە ژ خێرێ ژ نازێ ژ نەعمەتێ
ژێ تێت بێهنا جنەتێ .
ئیلۆن هات و دەرێ قوماشێ خۆ ڤەکر
ل دنێ و عالەمێ بوو وە دکر
حوسن و جەمال ل شەمس و فەخر.
ئیلۆن دبێژت: ئەز جندیا مەهانم
یەب مەجلس و رەش ریحانم
ل بەر شەمس و فەخرێت میرا یەعەیانم .
ئەم دوو مەهین ناڤێ مە چری
ژ جەم پەدشای خەلات کری
ل مە دکەڤن ناز و نەعمەت و تری .
مە یارەک دڤێت یی عێرفی زانە
بلا ژ مەرا بدەت بەیانە
کا بنیاتە هەر دووازدە مەها کیژ وانە.
ژ قەولێ فەخرێ زەرگونە
هەر یەب حەرفە هەر یەب ناسبونە
بنیاتە هەر دوازدە مەها کانونە.
هاتمە ناڤ کۆف و کانە
وەکی تێت و دبتە زڤستانە
زێندانە ل سەر جقاس مەخلوقێ ب گیانە.
کانونێ ژ خۆ خەبەر دا
گۆت: ئەزم سەقایا عەردا
بەلێ مفعەتم ل سەر جقاس دەردا.
کانونێ گۆت: سەقایا عەردا ئەزم
ژ ساریا خۆ د تەزم
ئەز ل بەر فەروەارا میرێ خۆ یەب لەزم.
– وهزێ زڤستانێ چهندين ئالاڤێن تايبهت بخو ههنه مينا ( بهفرى (بهفرمال) ليان، باگوردان)
– ديسان خوارنێنت گهرم وهك ( ترشك ،كهلاندنا كولندا(قوندك) و د بهر سوپێ دارانرا و پهلێن گهش دهێتهخوارن ،
– ڤهدانا شهبهقا بريسياو چپ چپا سڤاندا و شرێنا سوركا بانى پێكڤە دهنگێ موزيكهكا بهركهڤتى ژێ دهێت.
تُتاح هذه الصورة أيضا في: کوردی