سهرۆكێ ههرێما كوردستانێ ژ بۆ پشكداریێ د كۆربهندێ COP28 دا گههشته ئیماراتێ
گاڤ
سهرۆكێ ههرێما كوردستانێ ژ بۆ پشكداریێ د كۆنفرانسێ نهتهوهیێن ئێكگرتى بۆ گوهۆڕینا سهقاى COP28 دا گههشته ئیماراتێ.
سهرۆك نێچیرڤان بارزانى ل ئێڤاریا ئهڤرۆ پێنجشهمبیێ گههشته دوبهى و ژ لایێ شێخ تهحنوون بن محهمهد ئال نههیان سهرۆكێ دیوانا جهنشینێ ئهبوزهبى و د. موزهفهر مستهفا ئهلجبوورى بالیۆزێ ئیراقێ ل ئیماراتێ ڤه پێشوازى لێ هاته كرن.
سهرۆكاتیا ههرێما كوردستانێ راگههاندیه؛ سهرۆك نێچیرڤان بارزانى ل سهر داخوازنامهیا فهرمى یا شێخ محهمهد بن زاید ئال نههیان سهرۆكێ ئیماراتێ ژ بۆ پشكداریێ د كۆنفرانسێ COP28 دا كو سوبههى ئهینیێ ههڤدهم ل گهل رۆژا نیشتیمانى یا ئیماراتێ ب پشكداریا ژمارهیهكا سهركردهیێن جیهانێ دێ برێڤهچیت، چوویه دوبهى.
ئیمارات سهرۆكاتیا ڤێ گهڕا كۆنفرانسى دكهت و پرسێن تایبهت ب گوهۆڕینێن سهقاى و رۆلێ وهلاتان د كێمكرنا مهترسیان دا تێدا دێ هێنه بهحسكرن.
تُتاح هذه الصورة أيضا في: کوردی