نڤیسینگەها لالش خۆلەكا فێركرنا دروارێ بۆ 50ئافرەتێن ئاوارە ل مهههتێ ڤەكر
تۆرا لالش یا راگەهاندنێ
خۆلەكا فێركرنا دروارێ بۆ50 ئافرەتێن ئاوارەیێن ئاكنجی ل كۆمەلگەها مەهەتێ هاتە ڤەكرن،كو دێ بۆ ماوێ هەیڤەكێ ڤەكێشت.
ب ئامامادەبونا “مەهدی حەسەن موراد”بەرپرسێ نڤیسینگەها لالش ل مەهەتێ و “مەروان داود سیتو”جێگرێ بەرپرسێ نڤیسینگەهێ و”عبدالستار حەجی فەرمان” بەرپرسێ رێكخراوا دێرسم ب وەكالەت و ب هەڤكاری دگەل ئێكەتیا ئافرەتێن كوردستانێ ئەنجوومەنێ مووسل،دوهی رێككەفتی( 2016/10/31)ێ،نڤیسینگەها ناڤبری خۆلەكا فێركرنا دروارێ بۆ50 ئافرەتێن ئاوارەیێن ئاكنجی ل كۆمەلگەهێ ل هۆلا لالش مەهەتێ ڤەكر،كو دێ بۆ ماوێ هەیڤەكێ ڤەكێشت.
ل بەراهیكێ ئامادەبووی خۆلەكەكێ سەكنین وەك رێزگرتن بۆ گیانێ پاكێ جانگۆریێن كورد و كوردستانێ و سەروەرێ وان بارزانیێ نەمر وكاك ئەدریسێ جوانە مەرگ،ل دووڤ دا”مەهدی حەسەن”بەرپرسێ نڤیسینگەها لالش پەیڤەك پێشكێشكر وتێدا ب خێر هاتنا هەموو بەشداربوویان كر و كورتیەك ژ دیرۆكا ئێكەتیا ئافرەتێن كوردستانێ دا خویاكرن ل بزاڤا ئازدیخوازا گەلێ كورد و شۆرەشێن ئەیلول و گولانێ،دپەیڤا خۆ دە بەحسێ رەوشا ئیرۆ یا كوردستانێ و سەركەفتنێن پێشمەرگەی و ئۆپەراسیۆنا رزگاركرنا مووسل كر.
ل پێرە”ئیهان عەدنان”ئەنداما ئەنجوومەنێ مووسل یا ئێكەتیا ئافرەتێن كوردستانێ پەیڤەك پێشكێشكر وتێدا ئاماژە ب رۆلێ لالش دا ب ئەنجامدانا چالاكیێن بەردەوام،دیسان سوپاسیا نڤیسیگەها لالش كر،ژبۆ هاریكاریا دگەل ئەنجوومەنێ وان دكن.
تُتاح هذه الصورة أيضا في: کوردی