باشیك.. 90% بەرهەمێن چاندنێ هاتينە وێرانكرن
باسنيۆز:
رێڤەبەرێ چاندنی ل باشیك و بەحزانی دیاركر ب رێژا 90% رێكخراوا تیرۆرستی داعش بەرهەمێن چاندنێ ل باشیك و بەحزانی ویرانكرینە تایبەتی ژێ بستانێن زەیتونان و كارگەهێن ترشی وخانێن پلاستیكی و بیرین ئاڤێ یێن چاندنێ.
ئەڤرۆ 15/11/2016 ئەندازیار سلیمان عومەر، (باسنیوز) دیاركر تیرۆرستێن داعش پتر ژ 50 هزار دارێن زەیتونا ل باشیكی و بەحزانی سووتێنە و سالانە بەرهەمێ هەر ئێك داری دگەهشتە 40 هەتا 50 كیلویێن زەیتونا پشت بەستنا خەلكێ ل زەیتونا و كاری دروستكرنا ترشی بوو مخابن هەموو كارگەه یێن هاتینە تالانكرن و خرابكرن ئەڤ سالە ژێ پێشبینی دهێتە كرن جوتیار نەشین دەخلودانی خوە بچینن ژبەر هەبوونا بومبەیان ل ناڤ زەڤێن چاندنێ.
گۆتژی” حكومەتا هەرێما كوردستانێ مەزنترین كارگەه دروستكرنا زەیتا زەیتونا ل باشیكی و بەحزانی ب كوژمێ 664 ملیون دیناران دروستكر مخابن تیرۆرستێن داعش ئەو كارگەه مۆدرێن ژ ناڤبرینە ل باشیكێ وبەحزانی پتر ژ 100 خانێن پلاستكی هاتبوونە دانان بۆ چاندنا كەسكاتیی و بەرهەمێن چاندنی هەموو خانێن پلاستیكێ هاتینە ویرانكرن زۆر زیان گەهشتنیە ژێرخانەیا چاندنێ ل دەڤەری”.
سلیمان عومەر خۆیا ژی كر ل گۆندی فازلیێ 180 هزار دارێن زەیتونان هەبوون تیرۆرستێن داعش دارێن زەیتونان یێن هندەك كەسان هێلاینە ئەوژی رێژەكا زۆر كێمە بەرهەمێ زەیتونا ل دەڤەرا باشیكی و بەحزانی سالانە دگەهشتە پتر ژ 600 تەنان بۆ هەموو دەڤەران هاتە رەوانەكرن.
تُتاح هذه الصورة أيضا في: کوردی