مهحما خهلیل: ههتا 41 گۆرێن ب كۆم دێ ل مووسلێ ئێنه دیتن
باسنيۆز:
قائیمقامی قهزا شنگال، دیاركر پتر ژ نێڤهكا باژێری مووسل هاته رزگاركرن ههتا نوكه رهڤاندیێن ئێزدی ئاشكرانهبووینه، گومان ههیه عیراقی نهڤێت رهڤاندیان خۆیا بكهت ئهڤه جهێ شهرمهزاریه بۆ ههموو جڤاكێ نێڤ دهولهتی وهكو پێدڤی پووته رزگاركرنا رهڤاندیێن ئێزدی شهری ئازادكرنا مووسلێ دا نه كرن.
ئهڤرۆ 14/11/2016 مهحما خهلیل، قائیمقامی قهزا شنگال بۆ (باسنیوز) دیاركر: “ههتا نوكه 27 گۆرێن ب كۆم هاتینه دیتن ههتا مووسل ب تهمامی رزگاركرن دێ ژمارا گۆرێن ب كۆم ژ 41 دهرباز بیت دووڤ پێشبینی مه، چونكو ئهڤه پتریا دهڤهران هاتنه ئازادكرن هیشتا چارهنڤیسی 3700 رهڤاندیێن ئێزدی دیار نێنه بۆ مه جهی گۆمانی یه ههتا نوكه گهلهك دهڤهر ئازادبوون چوو رهڤاندیێن ئێزدی ل وان دهڤهران نههاتینه دیتن و رزگاركرن”.
مهحما خهلیل، ئاشكرا كر: “ل ڤان رۆژان دێ كونفرانسهكێ سازكهین دێ تێدا رهخنهیێن دژوار حكومهت و پهرلهمانێ عیراقی و نوونهرێن شنگالیان ل پهرلهمانێ عیراقێ گرن چونكو وهكو پێدڤی ل سهر دوسیهیا رهڤاندیێن ئێزدی كار نهكرینه، بتنی حكومهتا ههرێما كوردستانێ ههر ژ رۆژا روودانا كارهساتا شنگال دهست ب ئازادكرنا رهڤاندیێن ئێزدی كریه ب رێكا نڤیسینگهها كاروبارێن رهڤاندیان ل دهۆكێ شیاینه ههژمارهكا باش رزگاربكهن.
قائیمقامی قهزا شنگال، گۆت: “ل هندهك دهڤهران دێ رێكخراوا تیرۆرستێ داعش چوار كهسان وهكو درع بكارئینت بهغدا دونیایی خراب دكهت بس 3700 كهسین ئێزدی ههر ژ رۆژا 3/8/2014 ههتا نوكه دیار نینن دبهرامبهر دا بهغدا یا بێدهنگه”.
تُتاح هذه الصورة أيضا في: کوردی