جڤاتا وەزیران جەژنا چارشەمبوويا سۆر ل ئێزدیان پیرۆز دکت
باسنيوزز:
د پەیامەکێدا جڤاتا وەزیران یا ھەرێما کوردستانێ، جەژنا چارشەمبوا سۆر یا خوشک و برایێن ئێزدی پیرۆز کر.
ئەڤرۆ سێشەمبێ 18/4/2017 د پەیامەکێدا جڤاتا وەزیران یا ھەرێما کوردستانێ، جەژنا چارشەمبوا سۆر یا خوشک و برایێن ئێزدی پیرۆز کر، دیاری کر: “ھیڤیدارین جەژنەکا خۆش و ئارام دەرباز بکەن. د دەمەکێدا کو ئەم ڤێ جەژنێ پیرۆز دکەین، ئەم جارەکا دی ھەمی وان خوشک و برایێن مە یێن ئێزدی ب بیر تینین، یێن کو وەکی ھەمی پێکھاتێن دی یێن نەتەوەیی و ئۆلی ل کوردستانێ، ژ ئەنجاما تاوان و کارێن تیرۆرستی و ھۆڤانە یێن داعشێ، بوونە قوربانی”.
دەقا پەیامێ:
ب گەرمی جەژنا چارشەمبوا سۆر ل خوشک برایێن ئێزدی ل کوردستانێ و ل ھەر دەرەکا جیھانێ بن پیرۆز دکەین، ھیڤیدارین جەژنەکا خۆش و ئارام دەرباز بکەن. د دەمەکێدا کو ئەم ڤێ جەژنێ پیرۆز دکەین، ئەم جارەکا دی ھەمی وان خوشک و برایێن مە یێن ئێزدی ب بیر تینین، یێن کو وەکی ھەمی پێکھاتێن دی یێن نەتەوەیی و ئۆلی ل کوردستانێ، ژ ئەنجاما تاوان و کارێن تیرۆرستی و ھۆڤانە یێن داعشێ، بوونە قوربانی.
ھیڤیدارین خوشک و برایێن مە یێن ئێزدی کو ھەتا نھۆ ژی د کەمپێن ئاوارەییێدانە، جەژن و ھەلکەفتنێن خۆ یێن بھێن، سەفراز و ئازاد ڤەگەڕیابنە سەر مال و دەڤەرێن خوە یێن ئازاد و ئاڤەدانکری و ھەمی کوردستانی پێکڤە جەژن و ھەلکەفتنێن خوە یێن بھێن، ب سایا سەرکەفتن و ئازادی یا ئێکجاری و نەمانا تیرۆرێ پیرۆز بکەن.
د ڤێ جەژنێدا ئەم جارەکا دی ھەمی خوشک و برایێن ئێزدی پشتڕاست دکەین کو ھەتا مرۆڤەکێ ئێزدی د دەستێ تیرۆرستێن داعشێدا مابیت، ئەم دێ ھەمی ھەول و کارینێن خوە ژبۆ ئازادکرنا وان ب کار ئینین، ھەروەسا ھەولێن حکوومەتێ ژبۆ ناساندنا کەیسا ئێزدییان وەک جینۆساید ل سەر ئاستا ناڤنەتەویی و ئازادکردنا دەڤەرێن مایی یێن ئێزدییان ل سەر دەستێ پێشمەرگێن قەھرەمان و ئاڤەدانکرن و ڤەگەڕاندنا ژیانێ ژبۆ دەڤەرێن وان، دێ بەردەوام بن.
جارەکا دی جەژنا چارشەمبوا سۆر ل ھەمی ئێزدییان پیرۆز بیت، ھەر سال ب خێر و خۆشی.
جڤاتا وەزیران یا ھەرێما کوردستانێ
18/4/2017
تُتاح هذه الصورة أيضا في: کوردی