مووسل.. کچەکا دی یا ئێزدی ھاتە رزگارکرن
باسنيوز:
نوونەرێ کوردێن ئێزدی ل جڤاتا مووسل دیارکرکو ئەڤرۆ ١٩/٧/٢٠١٧ کچەکا دێ یا ئێزدی ب ناڤی (ن، م) دژیێ ١٥ سالیێ دا خەلکا دووگری ل قەزا شنگال ژ پارێزگەھا مووسل ھاتە رزگارکرن.
بەرەکات شەمۆ، نوونەرێ کوردێن ئێزدی ل جڤاتا مووسل، بۆ (باسنیوز) دیارکر: “ئەڤ کچا ئێزدی دەمێ ھاتیە گرتن و رەڤاندن دژیەکێ بچووک دا بۆ دماوی سێ سالێن بۆرێدا ئەڤ کچا ئێزدی تووشی گەلەک زۆرداریێ بوویە ژلایێ تیرۆرستێن داعش ڤە وەکو سەبیە بازرگانیی پێ ھاتیە کرن ئەڤ ئێکە ژ کریارێن ھوڤانە یێن تیرۆرستێن داعش ل سەر دەمێ حکومەتا مالیکی ئەڤ کچ وژن وزارۆک ھاتنە رەڤاندن و کوشتن و گرتن وبیی سەروشینکرن”.
بەرەکات شەمۆ، گۆت ژی: “ئەڤرۆکە ئەڤ کچا ھاتیە رزگارکرن دێ رادەستی نڤیسینگەھا رزگارکرنا رەڤاندیێن ئێزدی ھێتە کرن برێکا وان دێ ئەڤ کچا ژی گەھتە ناڤ کەس وکارێن خوە ل پارێزگەھا دھۆکێ”.
تُتاح هذه الصورة أيضا في: کوردی