بەغدا سۆزێن داینە خەلكێ شنگال بجه نەئیناینە
باسنيوز:
سەرۆكێ جڤاتا قەزا شنگال دیاركر كو ژ سالا2014ێ وەرە هەتا ئەڤرۆ حكومەتا عێراقی چوو سۆزێن خوە دگەل خەلكێ شنگال بجه نەئیناینە، نۆكە خەلكێ شنگال متمانە ب حكومەتا عێراقی نەمایە.
وەیسی نایف، سەرۆكێ جڤاتا قەزا شنگال بۆ (باسنیوز) دیاركر: “هەر تشتەك د بەرژوەندیا حكومەتا عێراقی دا بیت ل شنگال ئەنجام ددەت، هەر تشتەك د بەرژوەندیا خەلكێ شنگال دابیت حكومەتا عێراقی ئەنجام نادەت. ئەڤە پێنچ سالن هەتا ئەڤرۆ حكومەتا عێراقی پێنگاڤەك ژی بەرەڤ خەلكێ شنگال نەهاتیە بۆ خۆشكرنا ژیانا خەلكێ شنگال. هەردەم دژاتیا خەلكێ شنگال دكەت وژیانێ ل خەلكێ وێران دكەت”.
خویا ژی كر: “گەلەك جاران شاندەێن فەرمی یێن ئیدارا شنگال قەستا بەغدا كرینە بۆ خۆشكرنا ژیانا خەلكێ شنگال لێ حكومەتا عێراقی سۆزێ ددەت وان سۆزێن خوە بجه نائینت. ب هیڤیا حكومەتا عیراقی ڤە دێ خەلكێ شنگال تووشی كارەساتەكێ دی بیت. ئەم زۆر بێ هیڤی بووینە ژ سۆزێن حكومەتا عێراقی”.
تُتاح هذه الصورة أيضا في: کوردی