بەغدا ل شوونا بەرميلەكێ تنێ 40 لێتر داینە ئاواران
باسنيوز:
بەرپرسێ راگەهاندنێ ل بۆردێ كاروبارێن مرۆڤایەتی ل پارێزگەها دهۆكێ دیار كر: “رەوشا ئاوارە وپەنابەران باش نینە. ئەڤ سالە بتنێ 40 لیتر گازا سپی یێ هاتیە دان بۆ هەر خێزانەكا ئاوارە. بەری نۆكە دسالێن بۆرێدا بەرمیلەك هاتە دان لێ ئەڤ رێژا كێم یا گازا سپی ژ بەغدا بۆ ئاواران هاتیە دان”.
سالم سەعید بەرپرسێ راگەهاندنێ ل بۆردێ كاروبارێن مرۆڤایەتی ل پارێزگەها دهۆكێ بۆ (باسنیوز) دیار كر: “زڤرینا ئاواران بۆ سەر جهێن وان نینە ورێكخراوان ژی هاریكاریێن خوە كێمكرینە. نۆكە مەزاختێن هەر ئاوارەكێ ل سەر حكومەت نێزیكێ 60 دولارێن ئەمریكێ نە و ل سنۆری پارێزگەها دهۆكێ نۆكە زێدەتر ژ 600 هزار ئاواران وپەنابەران هەنە و دناڤ 21 كەمپاندا هاتینە ئاكنجیكرن. ژوانا ژی چار كەمپ یێن پەنابەرێن رۆژئاڤایی كوردستانێ نە. یێن دیتر ژی پتریا وان خەلكێ شنگالێ”.
خویا ژی كر: “بۆردێ كاروبارێن مرۆڤایەتی ل دهۆكێ ب پشتەڤانیا پارێزگارێ دهۆكێ بەردەوام كاردكەت رێكخراو بهێن هەڤكاریا ئاوارە وپەنابەران بكەن. ئەم هیڤدارین وەكو سالێن بۆری رێكخراو بەردەوامی ب كارێ خوە بدەن ل دهۆكێ”.
تُتاح هذه الصورة أيضا في: کوردی