تۆرا لالش
ئیرۆ، ڕۆژا شهمبوویێ ڕێكهفتی 20ی خزیرانا 2026ێ، بوكسڤانێ ئێزدی بادین حهسۆ ب ههڤالینیا بابێ خۆ ئهدریس زۆزانی و شاندهكی دگهلدا، سهرهدانا بنگههێ لالش یێ رهوشهنبیرى و جڤاكى ل باژێرێ دهۆكێ كر.
شاندێ مێهڤان ژ ئالیێ سهعید جردۆ، سهرۆكێ بنگههێ لالش، و جێگرێ وی د. سهعید خدیدا، دگهل ئهندامێن دهستهكا بلند، كارمهند و سهرۆك و ئهندامێن تای و نڤیسینگههێن بنگههى ڤه ب گهرمی هاتنه پێشوازیكرن.
دهستپێكێ سهرۆكێ بنگههێ لالش بخێرهاتنا بوكسڤان بادین حهسۆ و شاندێ دگهل دا كر و خۆشحالیا خۆ و بنگههى بۆ وان سهركهفتنێن مهزن یێن ناڤبری د بیاڤێ وهرزشێ دا ب دهستڤە ئیناین دهربری.
وهكو رێزلێنان ل دهستكهفت و قههرهمانیێن ب دهستڤهئیناین بنگههێ لالش قهفتهكا گولان پێشكێش كر و ههروهسان دیاریهكا تایبهت كۆ ئارمێ پهرستگهها پیرۆزا لالش ل سهر هاتیه نهخشاندن پێشكێشی وهرزشڤانێ ناڤبری كر.
ژ ئالیێ خۆ ڤه بوكسڤان بادین حهسۆ دلخۆشیا خۆ بۆ ڤێ پێشوازییا گهرم دهربری و پێنگاڤ و پشتهڤانییا بهردهوام یا بنگههێ لالش بۆ وهرزشڤان و گهنجان بلند نرخاند.
د دۆماهیا سهرهدانێ دا، بۆكسڤان بادین حهسۆ د لێدوانهكێ دا خۆشحالیا خۆ دیار كر و گۆت: سوپاسیا بنگەهێ لالش دکەم ئەز گەلەک پێ کەیفخۆشم و سەربلندم کو بنگەهێ لالش هۆسا پیرۆزباهییا مە کرییە و پشتهڤانیا خۆ بۆ مە دیارکرییە و ب پشتهڤانیا وان هەموو تشت دێ بۆ مە مۆڕالەکێ بلند بت.
تُتاح هذه الصورة أيضا في: کوردی