تۆرا لالش
ب هەلکەفتا سالیادا پیرۆزا ڕیفراندۆما سەربەخۆیا کوردستانێ، ل ڕۆژا ئینی ڕێکەفتی ٢٥-٩-٢٠٢٦، ب پشتەڤانیا دلمان حاکم نەمر و ب ههماههگی دگهل بنگههێ لالش تایێ خانكێ، د ڕێوڕەسمەکێ دا ٦٥ قوتابیێن دەرچوویێن کۆلیژ و پەیمانگەهان ل سنوورێ ناحیا خانکێ هاتنە خهلاتكرن.
تێ زانین د ڤێ ڕێورهسمێ دا سەعید جردۆ، سەرۆکێ بنگەهێ لالش و وشیان خدێدا ئۆمۆ، ئەنداما پەرلەمانێ کوردستانێ و زەردەشت شێخ شامۆ، ڕێڤەبەرێ ناحیا خانکێ و سەردار ئالانی، بەرپرسێ لژنا ناوچا دووبان یا پارتی دیموکراتی کوردستان (PDK)، و نونەرێن دامودەزگەهێن حکومی و حزبی، مامۆستا و ڕەوشەنبیرێن دەڤەرێ د ئامادهبوون.
ل دەستپێکا مەراسیمێ، مامۆستا عەنتەر کەلۆ سەرۆکێ بنگەهێ لالش ل خانکێ، بخێرهاتنا هەموو ئامادەبووان کر و پیرۆزباهییەکا گەرم ئاراستەی تەڤایا قوتابیێن دەرچووی کر.
پاشان، بەرێزان سەعید جردۆ و سەردار ئالانی هەریەک ژ وان پەیڤەک پێشکێشکر، د پەیڤێن خۆ دا، پیرۆزباهی ل قوتابیان کر و دەستخۆشی ل ئامادەکار و پشتهڤانێن ئەڤی کارێ ڕەوشەنبیری کرن.
ل دوماهیا ڕێوڕەسمێ، خەڵاتێن ڕێزلێنانێ ب سەر ٦٥ قوتابیێن دەرچووی دا هاتنە دابەشکرن و هەوڵ و ماندیبوونا وان ب بلندی هاتە هەڵسەنگاندن.
تُتاح هذه الصورة أيضا في: کوردی