تۆرا لالش
ئیرۆ چارشەمبوویێ 6ی ئەیارا 2026، سەعید جردۆ، سەرۆکێ بنگەهێ لالش ل دهۆکێ پێشوازی ل د. زەید رزوان، رێڤەبەرێ قوتابخانەیا ئەلگۆریتمیکس یا ناڤدەولەتی یا تایبەت ب ژیرییا دەستکرد و پرۆگرامسازییێ کر.
د دیدارێ دا، سەرۆکێ بنگەهێ لالش و ڕێڤەبەرێ قوتابخانەیا ئەلگۆریتمیکس یا ناڤدەولەتی یا تایبەت ب ژیرییا دەستکرد چەندین مژارێن پەروەردەیی و تەکنۆلۆژی بەحس کرن.
هەر د دیدارێ دا و ب مەرەما پشتەڤانیکرنا گەنجێن ئێزدی د بوارێ تەکنۆلۆژیایا سەردەم دا، د. زەید رەزامەندی ل سەر وەرگرتنا دەھ قوتابییێن ئێزدی دەربڕی دا کو ب ڕێیا بنگەهێ لالش پشکدارییێ د خۆلەکا سێ هەیڤی یا بێ بەرامبەر دا بکەن.
ئەڤ خۆلە دێ بتە دەلیڤەکا زێرین بۆ ڤان قوتابییان دا کو ژ نێزیک ئاشنای جیهانا ژیرییا دەستکرد و بنەمایێن زانستێ پرۆگرامسازیێ ببن و شیانێن خۆ یێن داهێنانێ پێشڤە ببەن.
ل گۆر ژێدهران دهێته چاڤهرێكرن ل تهمهنێن ٥ ههتا ١٨ سالی بهێنه وهرگرتن.
سەرۆکێ بنگەهێ لالش سوپاسییا رێڤەبەرێ قوتابخانێ کر بۆ ڤێ دەستپێشخەرییا گرنگ و هەلویستێ وی یێ مرۆڤی و زانستی کو خزمەتەکا مەزن پێشکێشی گەنجێن مە دکەت و ڕێخۆشکەرە بۆ ئاڤاکرنا پاشەرۆژەکا گەشتر د جیهانا تەکنۆلۆژیایێ دا.
تُتاح هذه الصورة أيضا في: کوردی