نەگری دایێ
قاسم لوندی
ئەگەرا گریا تە چیە
دایكا من چاڤ ب رۆندكن و خنەقا تژی گری یە
كورێ من ئەڤ نە جارا بەری یە
گەلەك جارا وەها ب مە كرینە و گەلەك ب سەرێ مە هاتیە
وەلاتێ مە تالان بوویە
كەچا منا گرتی یە
تشتەك نەمایە كە ب سەرێ وێ نەهاتیە
شەڤەك نامینێ كە ئەز وێ د خەوونا خوەدا نە بینم
ڕۆژەك ناچێ كە دەنگێ وێ ژ گوهێ من نە بوڕی
دبێژێت دایێ من خلاس بكە و ئەز نزانم ئەوا ل كی ئەردی یە
تو دبێژی ئەگەرا گریا تە چیە
كوڕێ منی كوشتی یە
بێ كڤن و گۆڕ ل سەر ساتری ئاڤێتی یە
دەنگێ وی د گۆهێ من دەیا دبێژێت دایێ وەرا تەیرێت چولێ لاشێ من هەموو خواریە
ڤان هۆڤان جارەكا دن فەرمان ب سەر مەدا ئانیە
ئارمانجا وان كوشتن و نەمانا مللەتێ ئێزدی یە
فەرمان ب سەر مەدا ئانین و مە هەمووا هەوارا خوە گەهاندا چیا
دلێ مە ژ داغ و برینێت دژمنا ئی تژی یە
هەتا نوها ئەم نزانن گونەها مە چیە
مە وەكا كافرا دبینن و نزانن موركرنا مە ژ ئاڤا زمزم و كانیا سپی یە
بلا باش زانبن ئارمانجا مە تم ئاشتی یە
خوزی وەكا حەلەبچا ب سەرێ مە كربانە
نە كەچ و بوكێن ئێزدییا ئێخسیر كربانە
ب هەزارا ل دەستێ ڤان هۆڤادا ماینە
ئەم نزانن نەدساخن نە دمرینە
ئەو زارۆكێ دایكا وی دەلال كری ب خوین و گۆشتێ خوە خودان كری ئیرۆ ژ دایكا وی دوركرینە
كەچێن 14 سالی ل خوە مار كرینە
ل بازارا كڕین و فرۆتن پێ كرینە
زارۆك ل پێش چاڤێن دایكێن وان كوشتینە
خۆرتێن 18 سالی ل قەفەسا دا شەوتاندینە
لێ بلا باش زانبن هەكە یەك ژ مە نەمینە هەر ئەم ئێزدینە
ئەم 8/3 ژ بیرناكن
ئەم دێ هەر ل هیڤیا گرتیێت خوە بن
هەتا ئەم ساخ ل دنێ هەبن
كەنگێ ئەزێ كەچا خوە رزگاركم
ژدەستێ هۆڤا خلاس كم
بەر ب لالشا نورانی ك.
ب ئاڤا زمزم و كانیا سپی مۆر كم
دلێ خوە ژ گول و كۆڤانە خلاس كم
ئەڤ ئەگەرا گریا منە
چاڤێ من ل رێیا هاتنا كەچا منە
ئەز زانم تو ڤەناگەری و هەردەم یا ل هزرا منە
هەردەم یا ل هزرا منا
تُتاح هذه الصورة أيضا في: کوردی