كاودانێن نەخۆش كرە موزیكژەن
تۆرا لالش:
حەبیب ئەلیاس،موزیكژەنێ گەنجێ دەڤەرا شنگالێ یە،كاودانێن نەخۆش یێن ژیانێ و فرمانا ئێزدیان كارتێكرن لێ كریە و ب رێیا موزیكێ پەیامێن خۆ د گەهینت.
موزیكژەن حەبیب ئلیاس بۆ رۆژناما دەنگێ لالش دیاركر،ل دەما رێكخراوا تیرۆرستی یا داعشێ هێرشی شنگالێ كری و ژ ئەگەرێ وان كاودانان تووشی نەخۆشیا دەروونی بووم و ب ریێا ژەنینا ئامیرێن موزیكێ چارەسەربووم و بتر حەز چێبوو خۆ فێری زێدەتر ئامیرێن موزیكێ بكەم و فێربووم و بڤێ چەندێ زێدەتر ژ بەرێ هاریكاریا خەلكێ خۆ دكەم،هەروەسا ب رێیا موزیكێ فشارێن دەروونی لسەر گەنجان كێم دبن و ئارامیا دەروونی پەیدا دبت و پەیوەندیێن جڤاكی خورتتر لێ دئێن،ل دەستپێكێ فێری پیانویێ بووم د نۆكە دا دوازدە ئامیران دژەنم و دزانم ژوان ژی (گیتار، تەمبور، تمبلك، دەف، بلول…هتد) حەز لسەر ئامیرێ كەمانێ هەیە ل ئایندەی دێ خۆ فێركەم و بەردەاوم گوهداریا سترانبێژێن كوردێن باكور دكەم ژوان ژی(هۆزان دینۆ،مام ئارارات).
هەروەسا گۆت:ل هندەك رێكخراوان وەكو موزیكژەن كاركریە و خۆلێن موزیكێ بۆ زارۆكان ژ هەردوو رەگەزان ڤەكرینە،بزاڤان دكەم بتر خۆلان بۆ زارۆكان ڤەكەم داكو فێری موزیكێ بن.
تُتاح هذه الصورة أيضا في: کوردی