فراکسیۆنا پارتی؛ هۆکارێ ناسەقامگیریا دهڤهرێ پەکەکەیە
هەولێر-KDP.info-
گوتەبێژی فراكسیۆنی پارتی لە پەرلەمانی کوردستان سەبارەت بە هێرشی شەوی ڕابردووی فڕۆکە جەنگییەکانی تورکیا بۆسەر چیای شنگال ڕایگەیاند، هەرجۆرە هەڕەشەیەک بۆ سەر خاکی کوردستان و ژیانی پێشمەرگە و هاونیشتیمانیانی کوردستان ڕەت دەکەینەوە و ئیدانەی دەکەین.
دەقی ڕاگەیاندراوی فراکسیۆنی پارتی دیموکراتی کوردستان لە پەرلەمانی کوردستان:
شەوی ڕابردوو، فڕۆکە جەنگییەکانی تورکیا، هێرشیان کردە سەر چیای شنگال و بەو هۆیەوە، پێنج پێشمەرگە شەهید بوون و نۆی تریش بریندار بوون، ئەمە جگە لەوەی کە زیانی ماددی و وێرانکاریشی بەدواوە بوو.
ئێمە لە کاتێکدا نیگەرانیی خۆمان لە بەرانبەر ئەو هێرشەدا ڕادەگەیەنین، هەرجۆرە هەڕەشەیەکیش بۆ سەر خاکی کوردستان و ژیانی پێشمەرگە و هاونیشتمانیانی کوردستان ڕەت دەکەینەوە و ئیدانەی دەکەین.
بەڵام نابێت ئەو ڕاستیەش نادیدە بگرین، کە هۆکاری سەرەکیی ئەو هەڕەشە و ناسەقامگیریانە، بۆ بوونی هێزەکانی پەکەکە دەگەڕێتەوە لە ناوچەکەدا، بەردەوامیی مانەوەی ئەو هێزانەش دەبێتە هۆی بەردەوامیی ئەو هەڕەشە و ناسەقامگیریانە، بۆیە پێویستە هەرچی زووە، هێزەکانی پەکەکە ئەو ناوچەیە چۆڵ بکەن، تا لە دوای کارەساتی شنگال، خەڵکەکەی بەبێ ترس و دڵەڕاوکێ، جارێکی تر دەست بە ژیانێکی نوێ بکەنەوە.
د. محەمەد عەلی یاسین
گوتەبێژی فراکسیۆنی پارتی دیموکراتی کوردستان لە پەرلەمانی کوردستان
تُتاح هذه الصورة أيضا في: کوردی