فهرمانگهها بجهئینانا ههیكهلێ نوویێ وهزارهتا پێشمهرگهی دێ هێته دامهزراندن
WAAR-دهۆك:
وهزارهتا پێشمهرگهی راگههاند؛ ئهو چاڤهرێی مهرسوومهكا سهرۆكایهتییا ههرێمێ نه، داكو فهرمانگهههكا چاكسازیێ بۆ بجهئینانا پڕۆژێ ههیكهلێ نوو یێ وهزارهتێ دابمهزرینن.
عهمید ههلگورد حكمهت رێڤهبهرێ راگههاندن و هشیارییا نهتهوهیی ل وهزارهتا پێشمهرگهی بۆ وار گۆت: د چارچووڤێ وان 35 خالێن ههرسێ وهلاتێن ههڤپهیمان، ئهمریكا، بریتانیا و ئهلمانیا، بۆ رێكخستنا وهزارهتا پێشمهرگهی پێشنیاز كرین، تێدا باس ل دامهزراندنا چهندین فهرمانگههان د ناڤا ههیكهلێ وهزارهتێ دا كرینه كو ئێك ژ وان هێزا ئاسمانی یا كوردستانێ یه.
گۆت ژی: ههموو چهك و كهلوپهلێن پێدڤی بۆ پاراستنا كوردستانێ، دێ د چارچووڤێ دروستكرنا ههیكهلێ نوو یێ وهزارهتا پێشمهرگهی دابن، ب رهنگهكی، كوردستان وهكو ههموو وهلاتێن جیهانێ خوهدی چهك و پێدڤیێن خوهیێن سهربازی بیت.
عهمید ههلگوردی دا زانین كو پرۆژهیێ رێكخستنا وهزارهتا پێشمهرگهی د دهست وان دایه و ئهو ل هیڤیا مهرسوومهكا سهرۆكایهتییا ههرێمێ نه، داكو فهرمانگهههكا چاكسازیێ بۆ بجهئینانا وی پرۆژهیی دابمهزرینن.
تُتاح هذه الصورة أيضا في: کوردی