تا نھا پتری 7 ھزار ل مووسلێ سڤیلان ھاتینە کوشتن
WAAR-دهۆك:
سەرۆکێ جڤاتا پارێزگەھا مووسلێ راگەھاند؛ ژ ھاتنا داعشێ بۆ پارێزگەھا مووسلێ و تا نھا، پتری حەفت ھزار سڤیلێن وی باژاری ھاتینە کوشتن.
بشار کیکی د داخویانیەکێ دا بۆ ئاژانسا ئەنادۆل رەتکر، چو حاکمێن مەدەنی بۆ مووسلا پشتی داعشێ بھێن دانان و گۆت: بەری دەستپێکرنا ئۆپەراسیۆنا رزگارکرنا مووسلێ، پتری پێنج ھزار سڤیلان ل وی باژاری ب دەستێ داعشێ ھاتینە کوشتن، ئاماژەکر کو د شەرێ رزگارکرنا مووسلێ دا ژی، پتری دو ھزاران ھاتینە کوشتن.
سەبارەت قۆناغا پشتی داعشێ، سەرۆکێ جڤاتا پارێزگەھا مووسلێ گۆت: پێدڤییە رێککەفتنەکا گشتگیر ل سەر ئاستێ ئیراقێ ل سەر پاشەرۆژا وی باژاری بھێت کرن، پاشان پێنگاڤێن ئاڤەدانکرنێ بھێن ھاڤێتن.
تُتاح هذه الصورة أيضا في: کوردی