دهمژمێرێن پێدانا کارەبا نیشتیمانی دێ زێده بن
خەندان-
بەڕێوەبەری کۆنتڕۆڵی کارەبای ھەرێم، بەخەندان-ی ڕاگەیاند، بۆ ئەم مانگە کاتژمێرەکانی پێدانی کارەبای نیشتیمانی زیاد دەبن.
ئومێد ئەحمەد، ئاماژەی بەوەکرد، تائێستا کۆبوونەوەیان ئەنجام نەداوە بۆ دانانی بەرنامەی پێدانی کارەبای نیشتیمانی ئەم مانگەبە ھاوڵاتیان.
وتیشی،”بەڵام بەپێی ئەوەی پلەکانی گەرما نزم بوونەتەوە، و خواستی ھاوڵاتیان کەم دەبێتەوە، کاتژمێرەکانی پێدانی کارەبا زیاد دەبێت، و لەم چەند ڕۆژەی مانگی ئەیلول ھەستی پێکراوە”.
بەپێی ئامارەکانی وەزارەتی کارەبا، زیاتر لە ملیۆنێک و ٥٠٠ ھەزار ھاوبەشی کارەبا تۆمارکراوە، لەھەرێم کوردستان، و ئێستا ئاستی بەرھەمھێنانی کارەبا ٢٦٠٠بۆ ٢٧٠٠ مێگاواتە.
“زیادکردنی بەرھەمھێنانی کارەبا، پەیوەندی بە قەیرانی داراییەوە ھەیە، ئەگەر پارەمان لەبەردەست بێت، بۆکڕینی ئامێرو دابینکردنی سووتەمەنی، دەتوانین ئاستی بەرھەمھێنان بەرزبکەینەوە” ئومێد ئەحمەد وای وت.
تُتاح هذه الصورة أيضا في: کوردی