چاڤدێران: بۆ کوردستانێ ساڵا ٢٠١٧ـێ ساڵا دەسکەفتان بوو
دهۆک-KDP.info-
نەرینا چاڤدێرەکی سیاسی ئەوە کو ساڵا ٢٠١٧ـێ ساڵا دەستکەفتان بوو کو ئێکەم جارە پشتی ١٠٠ ساڵان بوو کورد ب ئازادانە دەنگێ خۆ بدەت ئەوژی ریفراندۆم بوو و چاڤدێرەکێ دی دبێژیت، ساڵا ٢٠١٨ـێ دێ رەوشا کوردستانێ باشتر ژی بیت.
(باز ئەحمەد)، چاڤدێرەکی سیاسیە بۆ ماڵپەرێ فەرمیی یێ پارتی دیموکراتی کوردستان زەلالکر، ب پیچەوانەی خەلکێ ب دیتنا من ساڵا ٢٠١٧ ــێ باشترین ساڵ بوو د دیرۆکا کوردان دا پشتی سەرهەلدانا گەلێ کورد ل ساڵا ١٩٩١ـێ.
گوتژی : د ساڵا ٢٠١٧ـێ دا ریفراندۆم هاتە کرن ئەڤە ژی پشتی وێ یەکێ تێ کو کوردان ب ئازادانە کاری پشتی ١٠٠ ساڵان ب ئازادانە دەنگێ خۆە بدەن، و ساڵا ٢٠١٧ـێ باشترین ساڵ بوو کو خەلکێ کوردستانێ گرۆپێن خیانەتکار نیاسین کو ئەڤە چەندین ساڵ بوون خەلکێ ب سەردا دبەن و باژێرێن کوردستانێ دفرۆشن.
دیار ژی کر، راستە کو نافچەیێن مە هاتنە ژ دەستدان ئەوژی دیارە کو ژ ئالیێ گرۆپەکی خیانەتکارڤە، بەڵی دڤێت ئەم وانەیەکێ ژێ وەربگرین و چونکی دێ هەر دەرفەتەکا دن هێتە پێش و نافچەیێن مە جارەکا دی زڤرنە هەمبێزا هەرێمی.
دڤی بیاڤی ژی دا،(ئارام بالەتەیی)، چاڤدێرێ سیاسی و مامۆستایێ زانکۆیێ یە ژی گۆت:”دیتنا من سالا ٢٠١٨ دێ رەوشا باشورێ كوردستانێ بەرەڤ باشتریێ ڤەچیت لگەل نێزیك بوونا هەلبژارتنێن پەرلەمانێ عیراقێ، بەلێ رەوش دێ ئێتە گهورین بەرەڤ باشتر، ب تایبەت بشتی ئەنجامدانا هەلبژارتنان، ل دەمێ دانوستاندنا پێكئینانا حكومەتا فیدرال چنكو لایەنێن ركابەر دێ پێتڤی بدەنگێن كوردستانیا هەبیت، لێ پێتڤیە دەنگێن وان ئێك بن وپلانا وان ئێكگرتی بیت، چنكو دەنگێن پرت و بەلاڤ هاوكێشا پێكئینانا حكومەتێ دكارتێكەر نابن.
(ئارام)دووپاتی ل سەر وێ یەکێ کر، ئەگەر پشتی هەلبژارتنا كوردستانیا ئێك هەلویست بەرامبەر بەغدا هەبیت، وبەرەڤانی ب ئێك پلان ژ مافێن هەرێمێ بێتە كرن دێ رەوش بەرەڤ باشتر چیت.
گۆتژی، ژلایەكێ دی ڤە، ئەگەر خوپیشاندانێن ئیرانێ دبەردەوام بن دێ ئیران هەلویستەكێ نەرم تر بەرامبەر هەرێمێ پیشان دەت، و هەتا ئەگەر رەوش ل ئیرانێ ئارام بیت هەر دێ پەیوەندیێن ئیرانێ لگ ەل كوردستانێ باشتر بن ژدەمێ بەری ریفراندومێ هەتا دوماهیا سالا ٢٠١٧ چنكو لگەل فشارێن ئەمریكا لسەر ئیرانێ وبلند بوونا ڕێژا بێ كاریێ ل ناڤا ئیرانێ ئەز هزردكەم دێ ئیران نەچار بیت پەیوەندیێن خۆ و ب تایبەت یێن ئابوری لگەل هەرێمێ خورت بكەت.
هێشتا گوتژی:” د ٢٠١٨ دا یا دویرە باس لسەرخوبونێ بێتە كرن، لێ پێكەهێ هەرێمێ دێ بهێزتر لێ ئێت ژ دەمێ بشتی ریفراندومێ چنكو ئەمریكا دڤێت هەڤسەنگیەگێ دروست بكەت دناڤا هەولێر وبەغدا ژبەر بەرژەوەندیێن خۆ، چونکی هەڕێما كوردستانێ یا بهێز دێ پێگەهێ ئەمریكا لعیراقێ بهێزتر بیت، و دهەمان دەمدا دەولەتێن ئەوروبا و روسیا ژی پێتڤی ب هەبوونا هەرێما كوردستانێ بهێزتر هەیە.
ل داوێێ ژی ئاماژە ب وێ یەکێ کر، ئەگەر كوردستان قەیرانێن سیاسی یێن نافخوو چارە بكەت دێ بزیترین دەم پێكەهێ خوو یێ جاران بدەستڤەئینیت ڤە.
تُتاح هذه الصورة أيضا في: کوردی