کوردهكى دی ل كەركووكێ ژ پۆستێ وى هاته دوورخستن
K24 – كەركووك
بەڕێوبەری بەرگری و فریاکەوتن(ئاگرکوژێنەوە)ی كەركووك، کە لە نەتەوەی کوردبوو، لە پۆستەکەی دوورخرایەوەو عەرەبێکی خەڵکی حەویجە لە شوێنی ئەو دەست بەکاربوو.
قیس محەمەد، بەرپرسی هۆبەی راگەیاندنی بەڕێوبەرایەتی بەرگری و فریاکەوتن(ئاگرکۆژێنەوە)ی كەركووك، بە کوردستان24 راگەیاند: “ئەمڕۆ بەفەرمانێکی وەزاری پۆستی بەڕێوبەری گشتی ئاگرکوژێنەوەی کەرکووك لە عەقید میقداد ساڵح، وەرگیرایەوە که لەنەتەوەی کوردەو لەشوێنی ئەو عەقید ساڵح محەمەد، جبووری دەست بەکاربوو، کە لەنەتەوەی عەرەبەو خەڵکی حەویجەیە”.
دوای داگیركردنی كەركووك لە 16 ئۆكتۆبەری 2017، بەغدا پارێزگارێكی بە وەكالەتی بۆ پارێزگای كەركووك دیاركرد و چەندین بڕیاری دژی كورد دەركردووە، لەو كاتەوە تائێستا چەندین بەرپرسی كورد لە پۆستە ئیداری و ئەمنییەكانی كەركووك دوورخراونەتەوە. جگە لەوەش چەندین جار لەلایەن خەڵكی كەركووك ھۆشداری لە تەعریب كردنەوەی كەركووك دراوە.
تُتاح هذه الصورة أيضا في: کوردی