مه‌سروور بارزانی: ناخوازین پشتبه‌ستنێ بتنێ ب په‌ترۆلێ بكه‌ین
گاڤ نیوز- دهۆک
سه‌رۆكوه‌زیرێ هه‌رێما كوردستانێ راگه‌هاند؛ ئه‌و دخوازن كه‌رتێ ئابۆری جوراوجور بكه‌ن و بتنێ پشتبه‌ستنێ ب په‌ترۆلێ نه‌هێته كرن.
ئاهه‌نگا گه‌ڕا دویێ یا قوتابیێن زانكۆیا ئه‌مریكی یا كوردستانێ ل پارێزگه‌ها دهۆكێ ب به‌رهه‌ڤبوونا نێچیرڤان بارزانی سه‌رۆكێ هه‌رێما كوردستانێ و مه‌سروور بارزانی سه‌رۆكوه‌زیرێ هه‌رێما كوردستانێ و هه‌ژماره‌كا وه‌زیر، په‌رله‌مانتار و به‌رپرسێن حكومی و حزبی و نینه‌رێن وه‌لاتان و كه‌س و كارێن ده‌رچوویان هاته سازكرن.
مه‌سروور بارزانی د ئاهه‌نگێ دا په‌یڤه‌ك پێشكێش كر و پیرۆزباهی ل قوتابیێن ده‌رچوویی كر و دوپات كر كو دانپێدانه‌كا نێڤده‌وله‌تی ب زانكۆیا ئه‌مریكی یا كوردستانێ هه‌یه و به‌حس ل پێنگاڤێن حكومه‌تێ بۆ پێشڤه‌برنا ئابۆری كر و گۆت: دێ كه‌رتێ ئابۆری جوراوجور كه‌ن و بتنێ پشتبه‌ستنێ ب په‌ترۆلێ ناكه‌ن.
هه‌روه‌سا ئاماژه ب ژینگه‌ها كوردستانێ دا و گۆت: پێدڤیه ژینگه‌ها كوردستانێ بهێته پاراستن و كه‌رتێ گه‌شتوگوزارێ ژى بهێته پێشڤه‌برن و خۆیاكر:حكومه‌تێ بودجه‌یه‌كا تایبه‌ت بۆ رێیان ته‌رخان كریه.
تُتاح هذه الصورة أيضا في: کوردی