حکومەتا هەرێما کوردستانێ: بەلاڤکرنا نەفتا سپی دێ یا بەردەوام بیت
گاڤ
حکومەتا هەرێما کوردستانێ راگەهاند تانوکە پتری 72 ملیۆن لترێن نەفتا سپی ل سەر وەلاتیان هاترینە بەلاڤکرن و پرۆسەیا بەلاڤکرنێ ژی دێ یا بەردەوام بیت.
فەرمانگەها میدیا و زانیاری یا حکومەتا هەرێما کوردستانێ ئەڤرۆ د بەیانەکێ دا راگەهاند؛ بەلاڤکرنا نەفتا سپی ل دەڤەرێن چیایی بدوماهی هاتیە و دەمەکە ل دەڤەرێن دەردورێن باژێران دەستپێکریە، پرۆسەیا بەلاڤکرنێ دێ یابەردەوام بیت تاکو هەموو وەلاتی ژێ مفادار بن.
هەروەسا دیار کر، ل سنۆرێ پارێزگەها دهۆکێ 15 ملیۆن و 986 هزار و 800 لترێن نەفتا سپی ل سەر وەلاتیان هاتینە بەلاڤکرن و 79 هزار و 934 خێزان ژێ مفادار بووینە.
حکومەتێ دا زانین ژی کو تانوکە 72 ملیۆن و 231 هزار و 347 لترێن نەفتا سپیی ل سەر 361 هزار و 156 خێزانان ل سەرانسەری هەرێما کوردستانێ هاتینە بەلاڤکرن.
تُتاح هذه الصورة أيضا في: کوردی