كوردستان لاندكا پێكڤەژیانێ یە
موسا خالد
پێكڤەژیان یا بوویە ئەرك لسەر ملێن مرۆڤان چ وەلات بێ مرۆڤ و ئێك نەتەوە و ئێك ئاین ناژین،هەردەم ب رێزگرتنا مرۆڤان ب ئاین و نەتەوێن هەڤدوو پێكڤەژیان پەیدابوویە و بڤی شێوەی ژیان بەردەوام بوویە،كوردستان ژی لاندكا پێكڤەژیانێ یە ئێزدی و موسلمان و مەسیحی و كاكەیی …هتد ب هەڤرا دژین و رێزگرتنەكا مەزن ل هەڤدوو دگرن هیچ ئۆلەك مایتێكرنێ دپرەنسیپێن ئۆلا یێ دن دا ناكت و رێزێ ل هەلكەفت و جەژن و بیرەوەریێن ئێك دوو دگرن ، ئەڤ ژی وەلاتی بەرەف ئاڤەدانكرن و ژیانەكا باشتر دبەت.
هەر ئۆل و نەتەوەیەكێ هندەك بنەمایێن هەڤ قەبوولكرنێ دناڤدا هەنە و ب رێیێن زانستی مرۆڤایەتی پەیرەو دكن، و لسەر ئێك ئاخ ژیان و ژیارا رۆژانە بەردەوام دكن و ژلایێ كاری ڤە ژی دگەل هەڤ كاردكن مینا ئابووری و چاندن و پێشەسازی هەڤكاریا ئێك و دوو دكن،دكارێن حكوومی ونەحكوومی دا دەستێ ئێك دگرن ،ئەڤە ژی رێیێن ساخلەمن و ئارمانجان زێدە دكت ژبۆ گەشەكرنا كوردستانێ،ژبۆ نفشێ داهاتی یێن ل پشت مەدئێن ژبۆ وێ چەندێ جڤاكەكێ ساخلەم بدەین دیاركرن،زۆربەیا ئاینان دناڤا جڤاكی دا دگەل پێكڤەژیانەكا هەڤگرتی نە گەر ئەڤە هەبوون گیانێ لێبۆرینێ یێ هاتی یە هەبوونێ و رازیبوونا مرۆڤایەتیێ باشتر لێ دكت،ژ هەموو لایەنان ڤە لێبۆرین دبتە پالدەرەكێ ئەرێنی و كێشە بەرەف كێمبوونێ ڤە دچت یان نەمینت یان هێدی هێدی پێنگاڤ بەرەف پێنگاڤێ باشتر بچت و ببتە رێیەكا سەردەمیانە و ژیانەكا ساخلەم و جڤاكی بهێزتر بكت ،هەردیسان لگۆرەی هەبوونا هەموو تاكێن ژیانێ و ئۆل و نەتەوەیان،چنكو لگۆرەی هەبوونا هەر وەلاتەكی گرنگیا وان لسەر ئاڤاكرنا تاكەكێ ساخلەمە واتە مرۆڤان ، هەلبەت گهۆرینا هزران دبتە ئەگەر بتر رێیێن نێزیكبوونا ئاینان و ژیان ب ساناهی دبت،لگۆرەی كریار و رەفتاركرنێن وان ژلایێ هزری و ئێكرێزیێ و دووربوون ژ توندوتیژیێ و بنەمایێن ژیانەكا ساخلەمن و پاراستنا جڤاكی ژ هەر كریارەكا نەباش ،و پێتڤیە پێنگاڤێن ئەرێنی دژیانا خۆدا بهاڤێژین ژبۆ گەهشتنا سەركەفتنێ دهەر كارەكێ ئەم ئەنجام ددەین،هندەك جاران دسوشیال میدیایێ دا دبینم توندوتیژیا نەرەوا و نەجوان دئێتە كرن،كەسەك دێ رابت بێرێزیكرنا ئاینەكێ دێ خەلكێ وی ئاینی ئیشنت ب پەیڤێن نەشرین ،ئەڤ كریار نەیا ساخلەمە دڤێت گەنجێن جڤاكی هشیاربن و دووربن ژ ڤان كریاران.
ئۆمێدەوارم هەركەسەكێ ژ هەر ئۆل و نەتەوە و ئاین بت ملێن خۆ بدەن هەڤ،ژبۆ بهێزكرنا جڤاكی چنكو پێكڤەژیان و فەرە گەنج بتر رۆلێ خۆ بگێرت،و بڤێ چەندێ وەلات ژی دێ وەرارێ كت و دێ گەهتە ئاستەكێ بلند یێ
تُتاح هذه الصورة أيضا في: کوردی