دوو كێم ئەندامێن شنگالێ پێتڤی چارەسەریێ نە 
تۆرا لالش يا راگه‌هاندنێ/سەلام سەبری
تەحسین سلێمان ژ دایكبوویێ سالا 1992 و نورا سلێمان 2002ێنە و خووشك وبرایكێن ئێكن،خەلكێ كۆمەلگەها تلبەناتن سەر ب ناوچەیا قەیروانێ ڤە ل شنگالێ،نۆكە ل ناڤ كۆمەلگەها خانكێ دا دژین،كو دەمێ هاتینە سەر دوونیایێ دزكماكی دا كێمئەندام بووینە كو هەردوو لنگێن وان شەلەل بووینە و جەستەیێ وان هەموو بێ هێزە و نكارن ب رێڤە هەرن و دەمێ خۆ دمال دە دبۆرینن،بابێ وان ژی دبێژت هەتا نۆكە چ چارەسەریا وان نەبوویە و هندی رێكخراو و لژنێن سەرەدانا وان كرین چ بو وان نەكرینە و ئەم ژێ بێزار بووینە و هەردوو هەردەم نەخۆش دبن،ژبەركو دبێ هێزن تایبەتی كچك گەلەك نەخۆش دبت.
تەحسین سلێمان میرزا خویاكر:”ژبەركو نكارم ب رێڤە هەرم وچارەسەری نەبوویە دەمێ خۆ ب تەماشەكرنا تلەڤزیۆنێ و گوهدانا رادیۆیێ ڤە دبۆرینم و نە چۆیمە قوتابخانێ و نۆكە هەردەم دمال دامە،تشتێ خودێ بدەت خۆشە و ئەز یێ شوكردار و ئارامم وتۆرە ژی نابم و دەما هەڤالێن خۆ دبینم كەیفا من دئێت،بەلێ ئەگەر تشتەك بۆ مە هاتباكرن دا مە كاریبا هەرن ناڤ هەڤالێن خۆ و دونیایێ ژدەرڤە ببینن،بەلێ ئەم هەر دمال دا نە،پشتی ئەم ئاوارە بووین ژیانا مە هاتییە گهۆرین وئاوارەنە نە وەكی ل وارێ خۆنە،ئاشكەراكر،چەندین رێكخراو و لژنا سەرەدانا مە كریە،بەلێ چییا دئێتن دبێژتە مە ب ساناهی یە و هەتا نۆكە تشتەك دیار نینە،هەروەسا دبینم گرنگە كو تشتەك بۆ ڤان كەسێن كێمئەندام وشەلەلی و پەككەفتی وهتد بێتە كرن،كو ئەم ژی بكارن دەمێ خۆ بۆرینن و بەردەوامیێ بدەینە ژیانا خۆ”.
دبەردەوامیا ئاخفتنا خۆ دا گۆت:”دەمێ تیرۆرستێن داعشێ سەر شنگال دا گرتین ئەز ب تنێ د دەستێ وان دا مام ل زلێریێ سەر ب چیایێ شنگالێ ڤە،بۆ ماوێ هەشت هەیڤان د دەستێ وان دا مام ل فەلوجە و وان زولم لمن نەدكر،بەلێ گەلەك زولم ل خەلكێ مە دكرن و گەلەك بۆ من ل وێدەرێ نەخۆش بوو،پاشی ب رێیەكێ هاتم رزگاركرن و گەلەك كەیف خۆشبووم ژ دەستێ وان تیرۆرستا قوورتال بوویم،بەلێ ئەڤ تیرۆرست گەلەك دزالمن وكوشتن دكرن من ب چاڤێ خو دیت وپشتی رزگاربوویم كەسی خۆ لمن نەكریە خودان و هەتا نۆكە چەندین رێكخراو و لژنێن جودا جودا سەرا من داینە و تشتەك دیارنینە داخازا من ژ حكومەتا هەرێمێ ئەوا و ژلایەنێ شولەژێ ئەوا زوترین دەم یێ كچ و ژنێن ئیزدی و هەریەكی گرتی ژ دەستێ وان تیرورستە رزگاربكەن،لەوا داخوازا من ژ حكوومەتا هەرێما كوردستانێ ئەوە كو پتر چاڤدێریا كەسێن وەك مەبكن،داكو هەست ب هەبوونا خۆ بكەین”.
نورا سلێمان میرزا دیاركر:”من دڤیا بچم قوتابخانێ وبۆ من گەلەك خۆشە،بەلێ چ بكەم من نكاری هەرمێ و ئەز نكارم ژمال دەركەڤم،بەلێ هەڤالێن من دئێنە نك من و نكارم هەرم نك وان،ئەگەر تشتەك هەبا پێ چۆباین یان تشتەك بۆ مە هاتبا كرن بۆ خۆ دەركەفتبان ناڤ خەلكی و هەڤالان یان جهەك هەبا بۆ خووندنێ و نڤیسینێ و و فێركرنا كاران و كەسێ وەك مە كو ئەم ژی بكارن دەمێ خۆ بۆرینن و ، و چ تشتێ پێتڤی مەنینن و كەسی هاریكاریا مە نەكریە،هەردەما هەڤالێن خۆ دبینم گەلەك كەیف خۆش دبم”.
دڤی دەربارەی دا سلێمان میرزا بابێ ڤان هەردوو كێم ئەندامایە دبێژت:”كو دزكماكی دا ئەو دهۆسان بوون و ل كچكاتیێ دا مە گەلەك گێراندن و چ چارەسەریا وان نەبوو، ژبەركو خودایێ مەزن هوسا داینە و هاتینە سەر دونیایێ و ژ ئەندامێن خێزانێ تنێ ئەو كێمئەندامن،بەلێ ئەم هەموو دمال دا هاریكاریا وان دكن و چ بۆ وان نەهاتییە كرن و هندی رێكخراو و لژنە هاتینە نك وان چ نەكریە و ئەم ژ وان تشتان بێ زار بووینە و هەردوو هەردەم نەخۆش دبن،ژبەركو دبێ هێزن تایبەتی كچك گەلەك نەخۆش دبت،گۆتژی هەردوو گەلەك د ئارامن ولگەل ئەم هەموو مالدا لگەل هەڤ دا دهاریكارین و دەما ئەم ل شنگال بۆ خۆ دەردكەفتن و ئەو ژی مە دگەل خۆ دگێراندن ناڤ سروشتێ شنگالێ، بەلێ نۆكە ژیانا مە هاتە گهۆرین و ئاوارە ودەربەدەربووین و چ ئالاڤەكێ هاتن و چۆنێ نینە وان پێ بگێرین”.
تُتاح هذه الصورة أيضا في: کوردی