كوردێن ئێزدی:بێ ریفراندۆمێ ژی ناوچەیێن مە كوردستانینە
تۆرا لالش یا راگەهاندنێ
پشی گەرموگوریا پرسا ریفراندۆمێ هاتیە بەحسكرن، لێ كوردێن ئێزدی دیار دكەن ناوچەێن وان بێ ریفراندۆم ژی هەر كوردستانینە و قەبوو ناكەن سەر ب هیچ جهێ دی ڤەبن.
شێخ شاموۆ،نوونەرێ كوردێن ئێزدی ل پەرلەمانێ كوردستانێ و سەرۆكێ دەستەیا بلندا بنگەهێ لالش بۆ رۆژنامەیا ئەڤرۆ گۆت:” هەردەم خواستا ئێزدیا ئەوبوویە كو كوردستانەك ئازاد هەبت و هەموو ناڤچەیێن ئێزدینشین ڤەگەرنە هەمبێزا كوردستانێ ب تایبەت شنگال و ئەو ناڤچەیێن ئێزدیێن سەر ب حكومەتا ناڤەند كو بخۆ هەر كوردستانینە،ئەم ناخوازن ناڤچەیێن مە و ب تایبەت شنگال جارەكا دی سەر ب پارێزگەها مووسل ڤەبت و دێ هەموو هەولان دەین شنگال ببتە پارێزگەهەك و سەر ب هەرێما كوردستانێ،چنكو ئەگەر د سەد سالێن بۆری دا نەتەوەیێن دی ئێك جار دەربەدەربوون ، ئەم ئێزدی دووجاران دەربەدەر بوونە وتووشی قركرنێ هاتینە ل دەمێ كوردستان بوویە 4 پارچە ل وی دەمی ژی ئێزدی ژی بوونە چار پارچە ئەو نەخۆشیێن ب سەر مللەتێ كورد دهاتن ئێزدی ژی ل گەل ب سەرێ ئێزدیان ژی دهاتن،ژبەر ئاینێ مە ئێزدی بوو ومللەتێ مە كوردبوونا بوو،كەواتە ئێزدی بەشەكی دانەبرای یێ مللەتێ كورد بوون.
ناڤێ فەهمی بابێ رۆژانێ، رەوشەنبیرەكێ ئێزدی یە بۆ رۆژناما ئەڤرۆ دیاركر:”ئێزدی ژی وەك پێكهاتەكێ رەسەنێ وەلاتی بەری هەزارەها سالان دژیان و شارستانیەت ئاڤاكرن ، بەلێ ب درێژاهیا دیرۆكێ تووشی فەرمان و قركرنێ بووینە هەتا كو كارەساتا شنگالێ كو جینۆسایدا مرۆڤایەتیێ بوو،بەلێ ڤێ جارێ پشتەڤان و پەناگەه و برا هەبوون ئەوژی برایێن وان یێن كوردێن موسلمان بوون كو دل و د دەروون و مال و مزگەفتێن خۆ بۆ ڤەكرن و خودانكرن و ب هەموو شیانێن خۆ نێزیكی 400 هەزار كوردێن ئێزدی دكەمپان و خانی و كاڤلان دا دژین و حكوومەتا هەرێمێ ئەوا د شیا ندا بوو كریە ، جەنابێ سەرۆكێ هەرێما كوردستانێ”مەسعوود بارزانی” بخۆ سەرپەشتیا ئازادكرنا شنگالێ كریە و هندەك ژ وان ئاوارەیان ڤەگەریاینە و هندەك ماینە دبارەكی نالەبار دا و ل هیڤیا ئازادكرنا ناڤچەیێن خۆ ماینە ،چنكو ئەو ناوچەنە هەر ل سەر كوردستانێنە و ئەم پشتەڤانیا هەر بریارەكا سەرۆكی دكەین كو ئێزدی د چارچۆڤێ كوردسانیبوونێ دابن ،چنكو مە دێ ل دژی هەر ئەجیندایەكێ راوەستین كو مە ژ كوردستانێ ڤەكەن.
حسن زەینەل،ئۆلدارەكێ ئێزدی یە بۆ ئەڤرۆ گۆت:ئەم پشتەڤانیا خۆ بۆ بریارا سەرۆكێ هەرێمێ دیاردكەین بۆ ئەنجامدانا ریفراندۆمێ، لێ ناڤچەیێن مەیێن ئەوین ژ دەرڤەی ئیدارا هەرێمێ بێ ریفراندۆم ژی هەر كورد و كوردستانینە ،هەر دیسان ژبەر ئاین و كورداتیا مە ژبەر هندێ چەندین مەزارگەهێن مەیێن ئاینی هاتینە ژناڤبرن و دخوازین ئەو ناوچەیێن مە ڤەگەرنە هەمبێزا كوردستانێ،چنكو دبنەرەت دا كوردستانینە داكو جارەكا دی كارەساتەكا دی ب سەرێ مە دووبارە نەبت و چو مەزارگەه و جهێت ئاینی ژی نەئێنە ژناڤبرن ژلایێ رێكخراوێن تیرۆرستی ڤە،هەروەسا پێشمەرگەی ب خوونا خۆ شەر بوۆ ناڤچەیێن مە كریە و نهۆ ژی بەرەڤانیێ ژ پاراستنا ئاخ و مەزارێن مە دكن.
تُتاح هذه الصورة أيضا في: کوردی