ب پشكداریا بنگەهێ لالش…روونشتنەكا ڤەكری ل دۆر كۆمكوژیا ئێزدیان ب رێڤەچوو
تۆرا لالش یا راگەهاندنێ
ب پشكداریا بنگەهێ لالش،رێكخراوا ئێزدیان یا دكیۆمێنتێ،ل رێككەفتی 17تەموزا 2016،روونشتنەكا ڤەكری ل هەولێرێ سازدا،ل دۆر گەهشتنا ئالیێن ناڤخۆیی و نێڤ دەولەتی ل دۆسەیا كۆمكوژیا ئێزدیان(جینۆساید).
دڤێ روونشتنێ دا پتری 38كەسایەتی و رێكخراو و فەرمانگەهێن حكوومی یێن گرنگیێ ب ڤێ دۆزێ ددەن تێدا پشكداربوون،دانوستاندنێ نێزیكی سێ دەمژمێران ڤەكێشا،كو بۆ جارا ئێكێ تێدا هاتە راگەهاندن دەرچوونا پەرتۆكەكێ ل دۆر كارەساتا شنگالێ ل وەختەكێ نێزیك كو ژ ئامادەكرنا لژنا ڤەكۆلین و خووندنێ ل دەستەیا بلندا بنگەهێ لالشە و ژ 600لاپەران پێك دئێت،تێدا دكیۆمێنت هەینە ل سەر تاوانێن داعشێ بۆ جارا ئێكێ دئێنە راگەهاندن،كو دێ بتە ژێدەرەكێ گرنگ بۆ ڤەكۆلەران دڤی بواری دا.
تُتاح هذه الصورة أيضا في: کوردی
