ستافێ فلمێ ” رەشەبا”سۆزێن خۆ بجهنەئینان بۆ ئێزدیان
دیڤ چوونا ڕاگەهانا بنگەهێ لالش 
ژ چو کەسی ناهێتە ڤەشارتن، ودچارچووڤێ نمایشکرنا دیمەنێن رێکلاما فلمێ “رەشەبا “ئەوێ بەحسێ هنەک ژلایەنێت کارەساتا شنگالێ وئەنجامێن وێ دکەت ،ئەڤێ چەندێ دەنگێن نەرازیبوونێ ودلگرانیێ پەیداکرن دناڤ جڤاکێ ئێزدی دا ب شێوەکی تایبەت، بەلکو هندەک هۆسا دبینن کو زیانێ دگەهینتە ئێزدیان،لسەر ڤێ چەندێ بنگەهێ لالش رابوو ب گرێدانا جڤینەکێ دگەل ستافێ فلمی ،بئامادەبوونا ایوب رمەزان رێڤەبەرێ گشتیێ رێڤەبەریا رەوشەنبیری وهۆنەری ل دهۆکێ، ل رۆژا ئێک شەمبی رێکەفتی 4ـ9ـ2016 ل هۆلا بنگەهی، بئامادەبوونا ژمارەکا بژارە یا جڤاکێ ئێزدیان ژ کەسایەتیێن پەرلەمانی و کارگێری و حزبی وچالاکڤانا ، و دوی چارچووڤی دا داکۆکی هاتە کرن لسەر هەبوونا نەرازیبوونێ ژلایێ جڤاکێ ئێزدی ڤە لدۆر هندەک ئاماژا لسەر رێکلاما تایبەت ب فلمی ڤە یاکو دو خۆلەکا ڤەدکێشای،و تێدا زیانێ دگەهینتە جڤاکێ ئێزدیان و هەڤدژە دگەل واقعێ وێ رەفتارا هاتیە کرن لبەرامبەر وان کەچێن ئێزدیان یێن رزگاربووین .
هەروەسا ستافێ فلمی گۆت چێنابت فلمەکی ماوێ وی 92 خۆلەک حوکمی لسەر بدەن دچارچووڤێ رێکلاما وییا دو خۆلەکی .
وپشتی هنگێ ولسەر پەیوەندیێن دناڤبەرا بنگەهێ لالش وبەرێز ایوب رەمەزان رێکەفتن هاتە کرن لسەر نمایشکرنەکا تایبەت بۆ فلمی بئامادەبوونا ژمارەکا کەسایەتیێن ئێزدیان ،دگەل هەبوونا بەرهەڤیێ ژلایێ ستافێ فلمی ڤە ژبۆ وەرگرتنا وان تێبینیێت زیانێ دگەهینن دیتنا ئێزدیان..
وئەوبوو ل ڕۆژا سێ شەمبێ رێکەفتی 6ـ9ـ 2016 فلم ب تمامی هاتە نمایشکرن ،و پشتی ب داوی هاتی قەفدەکا پێشنیارا هاتە پێشکێش کرن ژبۆ راستڤەکرن یان ژێبرنا هندەک دیمەنا و ئاماژەیێن هاتینە دەستنیشان کرن ژلایێ شاندێ ئێزدیڤە کو زیانێ دگەهینە ئێزدیان وبەروڤاژی واقعی نە ، وهەر وەسا شاندێ ئێزدی و بئامادەبوونا بەرێز ایوب رەمەزان دووپات کرن کو ل دەمێ پێشنیارێ وان نەهێنە بجهئینان دڤێتن فلم ب ئێکجاری نەهێتە نمایشکرن ، ستافێ فلمی سۆزدا ئەو تێبینیە بهێنە وەرگرتن وبابەتی چارەسەرکەن ، بۆزانین ئەو هەڤپەیڤین و چاڤپێکەفتنە ب ڤیدیۆیێ هاتیە بەلگەکرن.
بەلێ گەلەک جهێ داخێ یە کو فلم هاتە نمایشکرن ل رۆژا ئینیێ رێکەفتی 9ـ9ـ2016 د چارچووڤێ چالاکیێن ڤیستەڤالا چارێ یا سینەمێ ل دهۆکێ ل هۆلا کۆنفرانسا یا زانکۆیا دهۆک ، تشتێ هەژی ئاماژەپێکرنێ کو ستافێ فلمی سۆزێن خۆ بۆ ئێزدیان بجهنەئینان و ئەو تێبینیێت گرنگ یێن هاتینە پێشکێشکرن وئاراستەکرن ئەوان لبەرچاڤ نە وەرگرتن ولسەر ڤێ چەندا چێبووی هەلویستەک دێ هێتە وەرگرتن.
تُتاح هذه الصورة أيضا في: کوردی