رێكخراوا تیرۆرستیا داعش ل سەربازگەهان راهێنانێ ب زارۆكێن ئێزدی دكت
تۆرا لالش یا راگەهاندنێ
رزگاربوویەكێ كۆمكوژییا گوندێ كۆچۆ ئاشكەرا دكت كو دەما تیرۆرستێن داعش هاتینە گوندی ژن وزارۆك ژ زەلاما جودا كرن وزەلام كوشتن،بەلێ ئەو برایێ خۆ دبن كوشتیا دە دمینن و خۆ قوورتال دكن و تەكەست دكت كو داعش ل سەربازگەهان راهێنانێ ب زارۆكێن ئێزدی دكت بۆ ئەنجامدانا كریاران.
(ح.م) ئێك ژوان كەسا بوو یێ د گوندێ كۆچۆ دە دە مای بەحسێ چیرۆكا رزگاربوونا خۆ بۆ رۆژنامەیا دەنگێ لالش دكت و دبێژت:”ژمارەكا ترومبێلێن داعش هاتنە دگوندی دە ودڤیان مە بوسلمان كن وسێ رۆژ مۆلەت دانە موختارێ گوندێ كۆچۆ،پشتی ئەو مۆلەت تەمام بووی خەلكێ گوندێ حەردان یێ نێزیكی كۆچۆ رەڤینە چیای وتیرۆرستێن داعش دۆرا گوندی گرتن مەپێكۆل كر ب شەڤ برەڤین لێ مە نكاری،پاشی گەلەك ترومبێلێن دی یێن داعش هاتنە گوندی ژن وزارۆك ژ زەلاما جودا كرن وزەلام كوشتن لێ ئەز و برایێ خۆ دبن كوشتیا دە ماین ومە خۆ قوورتالكر وئەم چووینە چیای وبرایێ من ژی یێ بریندار بوو وپشتی زەحمەتەكا زۆر مە كێشایی تا ئەم گەهشتینە چیایی،گرۆپێ ساخلەمیێ گەهشتە مە وئەم ب فرۆكا هەلیكۆپترێ گەهاندینە خەستەخانا ئازادی ل دهۆكێ”.
هەروەسا ئەو چەندە ژی دیاركر:”پشتی سێ هەیڤا ژن و دەنگ و باسێن خێزانا من گەهشتنە من كو دگرتی نە ددەستێ داعش دە ل قەزا تلەعفەر وپشتی چەندین نەخۆشی ددەستی دە دیتین وب هاریكاریا جهێن پەیوەندیدار چار كەس ژخێزانا من ژدەستێ وان دەركەفتن وهەفت كەس تا نهۆ ددەستێ وان دە نە وئەم چو ژێ نزانین”.
گۆتژی پشتی هەیڤەكێ من دیت كورێ من یێ نڤێژێ دكت وسورەتێن قورئانێ دگۆتن ، رۆژا دی كورێ من یێ پێنج سالی چەك هەلگرت وگۆتە دەیكا خۆ دێ تە كوژم توو كافری،بلەز چووم چەك ژدەستا دەرئێخست و خێزانا من گۆت دەمێ داعش ل سەربازگەها راهێنان پێ كرین یێ وەسا فێركری.
تُتاح هذه الصورة أيضا في: کوردی