ل سویسرا سێ کوردێن ئێزدی گیانێ خۆ ژ دەست دا
رووداو – هەولێر
لە یەکێک لە شارەکانی وڵاتی سویسرا سێ کوردی ئێزدی کەوتنە ژێر شەمەندەفەر و گیانیان لەدەستدا.
تەڵاڵ هەسکانی، رۆژنامەڤان و چالاکوانی کوردی ئێزدی، لە لێدوانێکدا بە تۆڕی میدیایی رووداوی راگەیاند “کاژێر 2:30 خولەکی رۆژی پێنجشەممە 5-1-2017، سێ گەنجی کوردی ئێزدی بەهۆی وەرگەڕانی ئۆتۆمبێلەکەیان دەکەونە ژێر شەمەندەفەر و گیانیان لەدەستدا”.
لەبارەی ناوی ئەو سێ کوردەی ئێزدیە، تەڵاڵ هەسکانی گوتی “ناویان ( زێدان برهیم سفر، زیاد برهیم سفر و مەسعود قاسو حەسەن) بووە، دوو لەوان برای یەکدین و ئەوی دیکەشیان هاوڕێیان بووە”.
بەگوتەی تەڵاڵ، ئەوان نزیکەی ساڵ و نیوێکە لەڕێگای قاچاخدا چوونەتە وڵاتی سویسراو و لەوێ نیشتەجێبوون.
ئەو سێ گەنجە تەمەنیان لەنێوان 22 بۆ 23 ساڵیدایە و خەڵکی کۆمەڵگای خانەسۆری سەر بە قەزای شنگالن، کە ئێستا لەژێر دەسەڵاتی پارتی کرێکارانی کوردستان PKK دایە.
بەهۆی شەڕی چەکدارانی داعش و هاتنی چەکدارانی داعش بۆ ناوچەکانیان، زۆربەی خەڵکی خانەسۆر ئاوارەی پارێزگای دهۆکن و بەشێکیشیان روویان کردووەتە ئەوروپا.
تُتاح هذه الصورة أيضا في: کوردی