شنگال.. گۆرەکێ ب کۆم يێ نوو ھاتە دیتن
باسنيۆز:لهزگين جۆقى
بەرپرسێ راگەھاندنا فەرماندا شنگال یا پێشمەرگەی کوردستانێ دیارکر ئەڤرۆ 7/2/2017 ل رۆژئاڤایی قەزا شنگال دوراتیا چوار کیلومەتران دەزگەھێن ئیمناھیێ گۆرەکێ ب کۆم کوردێن ئێزدی دیتن دناڤ وێ گۆری دا چوار کەس ھاتێنە کوشتن.
خەلیل شڤان، بەرپرسێ راگەھاندنا فەرماندا شنگال یا پێشمەرگەی کوردستانێ بۆ(باسنیوز) دیارکر:” ئەڤ گۆری ب کۆم ئەڤرۆ 7/2 ھاتیە دیتن نەھاتە ڤەکرن دێ مینت ھەتا لیژنێن تایبەتمەند قەستا شنگال دکە نبۆ ڤەکرنا گۆرین ب کۆم، ئەڤ گۆری ب کۆم ب ھەڤکاریا ئاسایشا شنگال ھاتە دیتن”.
خۆیا ژی کر:” دووڤ پیزانێنێن دەستپێکێ چوار کەس تێدا ھاتێنە گولەبارانکرن ژلایێ تیرۆرستێن داعشێ ڤە ل کارەساتا شنگال 3/8/2014 دێ ئەڤ گۆری ب کۆم دھێتە پاراستن ھەتا لیژنێن پسپور و تایبەتمەند دھێن بۆ دیکومینتکرنا کارەساتا شنگال وڤەدکەن”.
ل کارەساتا شنگال 3/8/2014 تیرۆرستێن داعش پتر ژ حەفت ھزار کوردێن ئێزدی دەستەسەرکرن و کوشتن و رەڤاندن و بێ سەروشێنکرن ھەتا نوکە پتر ژ 2880 کەسان ژ دەستێن داعش ھاتێنە رزگارکرن ھیشتا پتر ژ سێ ھزار و 500 کەسان دیارنینن ، ھەتا نوکە پتر ژ 30 گۆرێن ب کۆم ل شنگال ھاتینە دیتن وتەرمێن پتر ژ ھزار کەسان دناڤدانە.
تُتاح هذه الصورة أيضا في: کوردی