ئاوارێن باشیكێ سوپاسیا گەل و سەركردایەتیا كوردستانێ و خەلكێ سەرسنكێ دكن
تۆرا لالش یا راگەهاندنێ/سەرسنك
ب دەهان ئاوارێن خەلكێ باشیك و بەحزانێ یێن ئاكنجی ل ناوچەدارییا سەرسنكێ،ئیرۆ سێ شەمبوویێ،خۆپیشاندانەك ئەنجام دان،تێدا سوپاسیا گەلێ كوردستانێ و بەرێز”مەسعود بارزانی”سەرۆكێ هەرێما كوردستانێ و خەلكێ سەرسنكێ كرن،بۆ پێشوازییا ل وان كرین و پشتەڤانیا هاوار هاتنێ و مرۆڤایەتی پێشكێشكرین ل ماوەیێ ئاوارەبوونێ دا بۆ دوو سال و 9هەیڤان و هەتا نۆكە.
خۆپیشاندانێ ل دەمژمێر 10سبەیكێ دەستپێكر ژ بازارێ سەرسنكێ بەرەف ئاڤاهیێ ناوچەداریێ،ژئالیێ رێڤەبەرێ ناوچەداریێ و بەرپرسێ لژنا ناڤخۆیا پارتی دیموكراتی كوردستان و بەرپرسێ پۆلیسان و ژمارەكا ئەندامێن جڤاتێ پێشوازی لێ هات كرن.
هەروەسا چەند پەیڤ هاتن خووندن كو ئاماژە دانە گەل و سەركردایەتیا هەرێما كوردستانێ و خەلكێ سەرسنكێ و بەرپرس و وەلاتیان،پاشی قەفتێن گولان پێشكێشی رێڤەبەرێ ناوچەداریێ هاتن كرن كو ب رۆلێ خۆ پەیڤەك پێشكێشكر و تێدا ئاماژە دا ڤێ خۆپیشاندانێ و دیاركر كو ئەوا حكومەتا هەرێما كوردستانێ پێشكێشی ئاوارەیان دكت ئەركەكێ مرۆڤایەتی یە و لپێ شیانێن خۆ پێشكێشكر سەرەرای قەیرانا دارایی ل دووسالێن بۆری دا و ژمارا زۆرا ئاوارەیان ل حەموو پارێزگەهێن هەرێمێ.
تُتاح هذه الصورة أيضا في: کوردی