کوردێن ئێزدی داخواز دکن دگەل پلانا ئازادکرنا تەلەعفەر پلانا رزگارکرنا گرتييان ژی بێتە دانان
باسنيوز:
نوونەری کوردێن ئێزدی ل جڤاتا مووسل، دیارکرکو سەدان رەڤاندیێن ئێزدی بۆ تەلەعفەر یێن ھاتێنە ڤەگوھاستن دخوازین دگەل پلانا ئوپەرسیۆنا رزگارکرنا تەلەعفەر پلانا رزگارکرنا رەڤاندیێن کوردێن ئێزدی ژی بھێتە دانان.
بەرەکات شەمۆ، نوونەری کوردێن ئێزدی ل جڤاتا مووسل، بۆ (باسنیوز) دیارکر: “ھەکە پلانا رزگارکرنا رەڤاندیێن ئێزدی نەھێتە دانان بۆ کونترول کرنا تەلەعفەر ب سەدان رەڤاندیێن ئێزدی ناھێنە دیتن دێ چارەنڤیسی وان بەرزە بیت چونکو مە پێزانین ھەنە گەلەک رەڤاندیێن ئێزدی بۆ تەلەعفەر یێن ھاتێنە ڤەگوھاستن ئەم داخوازی ژ بەغدا دکەین ھەڤکاریا ئێزدیان بکەت بۆ رزگارکرنا رەڤاندیان ھندەک ئوپەراسیۆنێن لەشگەری یێن تایبەت بۆ رزگارکرنا رەڤاندیان بھێنە ئەنجامدان”.
خۆیا ژی کر: “ل پارێزگەھا مووسل ژی چوو پلانێن تایبەت بۆ رزگارکرنا رەڤاندیێن ئێزدی نەھاتنە دانان دەمێ ئوپەراسیۆنا مووسل دەستپێکری لەورا ژی چارەنڤیسی گەلەک رەڤاندیێن ئێزدی نەھاتە دیتن ئەم دترسن ل تەلەعفەر ژی ھەمان شیوە چارەنڤیسی وان نەھێتە دیتن”.
تُتاح هذه الصورة أيضا في: کوردی