ڤەكۆلەر داود موراد خەتاری:”نیشانێن جینۆسایدا ئێزدیان ل شنگالێ د دیاربوون”
تۆرا لالش یا راگەهاندنێ 
ڤەكۆلەرێ ئێزدی(داود موراد خەتاری)ئاشكەراكر كونیشانێن جینۆسایدا ئێزدیان لسەر دەستێ رێكخراوا داعش یا تیرۆرستی ل شنگالێ د دیاربوون و گەلەك هاوار و گازی مە دكرن مللەتێ مە كەسێ گوهداری نەكر،پشتی سێ سالانهەفت پەرتۆكلسەر ڤێ فەرمانێ ئامادەكرینە و تەڤاهیا كارێن ب سەرێ مللەتێ مە دا هاتین تێدانە،دڤان پەرتۆكان دا دیكیۆمێنت كرینە دگەل تۆماركرنا نێزیكی 300 سی دی یێن ڤیدیۆیێ.
سەبارەت دیكیۆمێنتكرنا كۆمكوژیا ئێزدیان ل شنگالێ ل 3ئابا2014ێ(داود موراد خەتاری)،بۆ رۆژناما دەنگێ لالش گۆت:بەری كۆمكوژی چێبت ناما ماستەرا من لسەر دیكیۆمێنتێ بوو و 161 فەرمانێن بەری وی دەمی من دیكیۆمێنت كربوون،هەروەسا من زانی كو ئەو هۆكار پەیدابوون كو جارەكا دی فەرمان ب سەر مەدا بێت هەر ژ (10/6/2014)ێ من دەست ب تۆماركرنا چەندین دیكیۆمێنتا كریە ل سەر ژیان و بەردەوام بوونا ڤان كارەساتا ،ژبەر وێ چەندێ ژیمن گەلەك هاوار و گازی دكرن و مللەتێ مەژی كەسێ گوهداری نەكر،چنكو نیشانێن فەرمانێ ددیاربوون و لدەمێ سەركردێ رێكخراوا داعش ئەبو بەكر بەغدادی گۆتارا خۆ یا ئێكێ گۆتی دەستهەلاتا خیلافەتا ئیسلامی دێ بەرفرەه بت گشت دەڤەران و تایبەت دەڤەرێن (كافرا) ، ل ڤێدەرێ وی دیار كر كو ب مەبەستا وی ئێزدی و ئۆل نەتەوەیێن دی یێن بێ پەرتۆك،لێ دەما هێزا وان هاتی نە هندەیە مەزن بوو ئانكو هێزەكا میتا فیزیكی یا ڤەشارتی ئانكو شانێن وان یێن نڤستی هەبوون ژبەركو هندەك دەولەتان ژی ل پشت پەردێ هاریكاریا وان دكر و كارین ددەمەكێ كێمدا نێزیكی هەفت فیرقەیێن لەشكەری بشكینن ل هەرسێ پارێزگەهێن (موسل،تكریت،رومادی) و دەڤەرێن دی یێن عێراقێ ئەڤێ چەندێ بۆ من دیاركر كو دێ ئێن و دەڤەرێن مە ژی داگیر كن،لەورا ژی من هەردەم دگۆت ئاگەهداریا خۆ بكن ئەڤ هێز وێ بگەهە دەڤەرێن مە ژی و شەرەك دێ پەیدابت و ئەم دێ گەلەك قوربانیا دەین.
خەتاری ئەو چەندە ژی راگەهاند،ل دەمێ من نەخشەیێ دەڤەرا شنگالێ دادنا ل بەر چاڤێن خۆ و لێ درێنیكو دەڤەرا تەلەعفەر هاتبوو داگیركرن،زێدەباری زومار و رەبیعە ژی و شنگال پاشخۆڤە دهێلان بێشك وی دەمی من دزانی مەترسیەكا مەزن بوو، هێزا ل شنگال ئەو شیان نەبوون بكارت بەرگریێ ژ دەڤەرێ بكت ژبەر وێ هێزا زۆر یا داعش و ئەو چەك و تەقەمەنیێن پێشكەفتی كەفتبوون ددەستێ وان دا ، چنكو زۆر مە دكرە گازی و هاوار لێ كەسەكی گۆهێ خۆ نە دا من،هەر ل رۆژا ئێكێ فەرمانێ ل 3/8/2014ێ من دەست ب كارێ خۆ كر و من دیكیۆمێنت نڤیسین و وێنە وهەر تشت ب ڤێ چەندێ ڤە تۆماركرن.
ڤەكۆلەری ئاشكەراكرژی پشتی سێ سالان من كاریە هەفت پەرتۆكان ئامادە بكەم لسەر ڤێ فەرمانێ ئینسكلۆپیدیەكا تەمام هەفت پەرتۆكن و تەڤاهیا ئەو تشتێن ب سەرێ مللەتێ مە هاتین،دڤان پەرتۆكان دا دیكیۆمێنت كرینە دگەل نێزیكی 300 سی دی یێن ڤیدیۆیێ هاتینە تۆماركرنە هەموو چاڤپێكەفتنن و كار و خەباتا مللەتی دوێدەرێ دا چییە ل تێدا خویاكریە،هەر سەبارەت پەرتۆكان ژی لسەر گرتیێن دەستێ داعش و یێن رزگار بووین و ئەو نەخۆشیێن دچیایی دا ل دەمێ فەرمانێ دیتین،لسەر مێرخاسیا خەلكێ دچیایێ شنگالێ دا و ئَێك ژوان لسەر كۆچۆ یە ،ئێك ژی لسەر قوربانیێن مە یێن دگۆرێن بكۆم دایە.
تُتاح هذه الصورة أيضا في: کوردی