مووسل ب تەمامی هاتە رزگاركرن هێشتا چارەنڤیسێ پتری سێ هەزار ئێزدیان دیار نینە
تۆرا لالش یا راگەهاندنێ/جیهان عەبۆ
دبیرئینانا جینۆسایداشنگالێ دا كو دكەفتە رێككەفتی 3/8/2017ێ كو سێ سال ب سەر دا دەرباز دبن،چەند چالاكڤان و رۆژنامەڤانێن كچێن ئێزدی رادگەهینن كو دێ چالاكی وخۆپیشاندانێن ئاشتیانە ئەنجام دەن بەرامبەر جیێن شۆلەژێ و تێدا داخوازا رزگاركرنا گرتیان كن،تەكەزكرن كو پاشەرۆژا شنگالێ نەیا دیارە ژبەركو مووسل ب تەمامی هاتیە رزگاركرن هێشتا چارەنڤیسێ پتری سێ هەزار كچ وژن و زارۆكێن ئێزدی دیارنینە ،ئەو هەولێن دئێنە دان برزگاركرنا وان د ئاستێ پێتڤی دا نینن.
چالاكڤان(ڤیان ئەكرەم)دیاركر،ژنێن ئێزدی یێن رزگاركری پێتڤی هاریكارییا نێڤدەولەتی وناڤخۆینە،ژئالیێ دەروونی وماددی ڤە وسەنتەر یان جیێن تایبەت بۆئاكنجی بوونا وان هەبن داكو ژیانەكا باشتر یا ژنهۆ دناڤ كەمپان دابژین،ژبەركو دناڤ كەمپان دا پێتڤی ب پێتڤیێن ژیانێ نە بۆ نموونە كارەبا یاگرنكە هەبت ل وەرزێ هاڤینێ دا،دیسان پاشەرۆژا شنگالێ نەیا دیارە ژبەركو مووسل ب تەمامی هاتیە رزگاركرن هێشتا چارەنڤیسێ پتری سێ هەزار كچ و ژن وزارۆكێن ئێزدی دیارنینە وهەبوونا چەند ئالیێن سیاسی هەموو ژی نەدخزمەتا شنگالێ دانە و لێككەفتن یا هەیی لسەر ئەردێ وێ،لەورا ئەو باوەریە بۆ خەلكێ چێ نەبوویە ڤەگەرنە جی و وارێن خۆ ڤە،داخوازێ ژ هەمووكچ وژنێن ئێزدی دكەم ل بیرئینانا ڤێ فەرمانا رەش دا ئامادەبن،ژبۆ گەهاندنا دەنگێ گرتیێن ئێزدیان بۆ گشت دنیایێ ژبەركو ئەو دزیندانێن تیرۆرستێن داعشێ دا دنالن ودئێنە ئازراندن.
هەروەسا رۆژنامەڤان(ئلهام حسێن)دبێژت:ئەم وەك كچێن ئێزدی دێ ڤێ یادێ ل بیرئینین ژبۆ رزگاربوونا گرتیان وگەهشتن بمافێ خۆ،ب دیتنا من هندەك پارتێن سیاسی كۆنترۆلێ لسەر ساخكرنا ڤێ یادێ دكن،یاگرنگ ئەوە كەسێن بووینە ئەگەرێن كەفتنا شنگالێ وئەوێن دگەل داعش هاریكار بێنە دادگەهكرن،هەتا كو برینێن دلێ دەیكێن ئێزدی سارێژبن وكچ وژن وزارۆكان بزووترین دەم رزگاربكن وشنگال بێتە ئاڤەدانكرن وبەرقراركرنا ئێمناهیێ،ب مخابنی ڤە رۆژ بۆ رۆژێ بابەتێ گرتیێن مە یێن د دەستێ داعشێ دا دبتە بابەتێ راگەهاندنێ وموزایدێن سیاسی وئەو هەولێن دئێنە دان برزگاركرنا وان دئاستێ پێتڤی دا نینن،لەوما ژی رۆژ بۆ رۆژی چارەنڤیسێ وان دیارنینە،دساخكرنا ڤێ یادێ دا یاگرنگتر ئەوە بیر ل چارەنڤیسێ ئێزدیان بێتە كرن وپاشەرۆژەكا مكوم،ژبۆ ئێزدیان دروست بت.
ژلایێ خۆڤە چالاكڤان(ناڤین سموقی)گۆت:ئەوا بسەرێ ژناشنگالێ هاتی د دجینۆسایدێ دا،گونەهەكا مەزنە د دەرهەقێ وێ دا ئەوا هاتینە ئێخسیركرن ودگەل زارۆكێن خۆ وزەلام هاتینە كۆمكوژیكرن وجانگۆریكرن،ل 3ئابا 2014ێ كچ و ژن گرتن وپشترا فرۆتن وبازرگانی پێ هاتەكرن ل بازارێ(النخاس) دا وژئالیێ داعش ڤە دەستدرێژی لسەر وان هاتەكرن،لبیرئینانا فەرمانا رەشا شنگالێ ژنێن ئێزدی داخواز دكن یێن كێمترخەمبوون دئێخسیربوونا وان دا بێنە دادگەهكرن وئەو كەسە بێنە سزادان یێن بەرپرس ژكەفتنا شنگالێ وهاریكاریا داعش كری،هەر بۆ ساخكرنا ڤێ بیرئینانێ ئەم مینا ژنێن ئێزدی دێ گەلەك كار وچالاكیان و خۆپیشاندانێن ئاشتیانە ئەنجام دەین بەرامبەر جیێن شۆلەژێ،هەتا كو دەنگێ مە بگەهتە وژدانێ جیهانێ هەموویێ،د سالا بۆری دا ژی ل بەرامبەر رێكخراوا Un ل هەولێرێ مە نەرازیبوونا خۆ دەربری بەرامبەر كریارێن نامرۆڤانە یێن داعشێ،هەتا كو زێدەتر گرنگیێ ب كەیسا كچ وژنێن مە بدەن و وان رزگار بكن،دووپات دكەین كو ئەم ناسەكنین هەتا ئێك ئێخسیرێ مە د دەستێ تیرۆستێن داعش دا مابت ودێ هەر تێكۆشین بۆ ئازادیا وان.
تُتاح هذه الصورة أيضا في: کوردی