حسێن قائیدی: 7 رەڤاندیێن ئێزدی ژ تەلەعفەر رزگاربوون
باسنيوز:
رێڤەبەرێ نڤیسینگەها رزگاركرنا رەڤاندیێن كورد یێن ئێزدی پارێزگەها دهۆكێ دیاركركو دگەل دەستپێكرنا ئۆپەراسیۆنا رزگاركرنا قەزا تەلەعفەر هەتا ئەڤرۆ 24/8/2017 7 رەڤاندیێن كوردێن ئێزدی ژدەستێن تیرۆرستان ژ ناڤ سەنتەرێ تەلەعفەر یێن هاتینە رزگاركرن.
حسێن كورۆ قائێدی، رێڤەبەرێ نڤیسینگەها رزگاركرنا رەڤاندیێن كوردێن ئێزدی، بۆ (باسنیوز) دیاركر:” ژنەك ب ناڤێ ( م، خ) ژدایك بوویا سالا 1994 دگەل سێ زارۆكێن خوە ب ناڤێن (دلمان و دیمان ودیما) خەلكێ گوندێ كۆچۆ، ژ تەلەعفەر هاتنە رزگاركرن یێن دی ژی دوو كچن، هەر دو ژی خوشكێن ئێكن بناڤێن (نیاز و لیزا ئەلیاس) ژ دایك بوویێن 2009 و 2008 نە. خەلكێ تل بناتن ژ تەلەعفەر رزگاربوون وكچەكا دی ژی ب ناڤێ (ئاواز) ژ دایك بوویا سالا 2003ێ خەلكا وەردیە، ئەوژی ژ تەلەعفەر رزگاربوویە و ئەڤ هەر 7 كەسێن ئێزدی ژ دەستپێكا ئۆپەراسیۆنا رزگاركرنا تەلەعفەر هەتا نها رزگاربووینە”.
خویا ژی كر:” ئەڤرۆكە كاروبارێن وان ل نڤیسینگەها رزگاركرنا رەڤاندیێن ئێزدی هاتنە رێڤەبرن. ئەم د هەولێن بەردەوام داینە بۆ رزگاركرنا هەموو رەڤاندیێن كوردێن ئێزدی ژ ناڤ سەنتەرێ قەزا تەلەعفەر”.
تُتاح هذه الصورة أيضا في: کوردی