جڤاتا شنگال: ئامادەكاری بۆ ئەنجامدانا ریفراندۆمێ ل شنگال هاتینە كرن
باسنيوز:
سەرۆكێ جڤاتا قەزا شنگال دیاركركو ل قەزا شنگال وهەموو كەمپێن ئاوارێن شنگال ژی ئامادەكاری بۆ ریفراندۆمێ هاتینە كرن چەندین لێژنێن هشیاركرنا وەلاتیان ژی ل كەمپێن ئاواران هاتینە پێك ئینان.
وەیسی نایف، سەرۆكێ جڤاتا قەزا شنگال بۆ(باسنیوز)دیاركر: “مە بەرهەڤیێن خوە كرینە بۆ ریفراندۆمێ پتریا خەلكێ مە دێ دەنگێ بەلێ پێشوازی ل ریفراندۆمێ كەن. هەر نۆكە چالاكیێن هەمە جۆر دهێنە ئەنجامدان بۆ هاندانا وەلاتیان ل ناڤ كەمپێن ئاواران وژدەرڤەی كەمپان ژی چونكو خەلكێ شنگال مەحالە جارەكا دی گەل عێراقێ بیت ، شنگالی دخوازن دەست ب ژیانەكا نوو بكەن ل سەر ئاخا باب وباپیرێن خوە سەر هەرێما كوردستانێ ڤە بن”.
خویا ژی كر: “بەری نۆكە ب فەرمی مە داخواز كریە ریفراندۆم شنگال بهێتە كرن و خەلك بریارا ئێكلاكر ل سەر چارەنڤیسێ خوە بدەن. ئەم ب هەموو هێز وشیانێن خوە كاردكەن شنگال بهێتە سەر هەرێما كوردستانێ ڤە ل سەر داخوازیا خەلكێ شنگال”.
تُتاح هذه الصورة أيضا في: کوردی