رێكخراوەك دێ پرۆژەیان بۆ ژنێن ئاوارە ل كەمپان ئەنجام دەت
تۆرا لالش یا راگەهاندنێ/صباح سمیر
رێڤەبەرا رێكخراوا خەلك بۆ گەشەپێدانێ یا نە حكومی(نسرین ئسماعیل) د دیدارەكێ دا بۆ رۆژناما دەنگێ لالش راگەهاند، رێكخراو خزمەتێن دەروونی و یاسایی وجڤاكی پێشكێشی كچ و ژنێن ئاوارە دكت و ب تایبەتی كەسێن ژبن دەستێ تیرۆرستێن داعش رزگار دبن،ئاشكەراكر ژی بەشەك ژ ئاوارەیان ل كەمپێن( خانكێ ،كەبەرتوو1، كەبەرتوو2، شاریا) دیكیۆمێنتێن خۆ ووندا كرینە،هەروەسا دێ پرۆژێن بچووك بۆ نێزیكی 40 ژنان ئەنجام دەین.
لدۆر كارێن رێكخراو پێ رادبت(نسرین ئسماعیل) گۆت:رێكخراو ل سالا 2004ێ هاتیە دامەزراندن و نە یا حكومی یە و بارەگەهێ وێ یێ سەرەكی ل پارێزگەها سلێمانیێ یە وتایی ل باژێرێن جودایێن كوردستانێ هەنە و پشتەڤانیا ماددی ژ رێكخراوا گەلێ نەرویجی وەردگرین ، دماوێ ڤان سێ سالان دا هاریكاریەكا زۆر پێشكێشی خەلكێ ئاوارە كریە و خزمەتێن دەروونی و یاسایی وجڤاكی پێشكێشی كچ و ژنان دكەین و ب تایبەتی كەسێن ژبن دەستێ تیرۆرستێن داعش رزگار دبن.
سەبارەت خزمەتێن دەروونی نسرینێ دیاركر،مە چارەسەریا دەروونی رۆژانە هەیە ژبۆ ئاوارەیان و خۆجهێن كۆمەلگەها خانكێ،زێدەباری هەبوونا نۆژدارەكا تایبەت یا دەروونی،هەردیسان ئەگەر ئەو كەسێ كێشەیێن دەروونی هەین و دئێن چارەسەریێ ب هەڤكاریا چارەسەر و نۆژدارا دەروونی چارەسەریێ بۆ دنڤیست بۆ وان كەسێن ژدەستێ داعش دەركەفتی ئەگەر یا پێتڤی بت مە ماف هەیە ئەم چارەسەریان ژی بۆ نەخۆشان بكرن و دابین بكن،وەكی دن مە دوو ڤەكۆلەرێن دەروونی هەنە دچن بۆ وان حالەتان دئینن،هەروەسا خزمەتێن دی یێن نۆژداری مە هەنە لێ نهۆ ئەڤ پرۆگرامە هاتیە سەكناندن ژبەر بوودجەیا دراڤی و ژبۆ وان كەسێن پێتڤی و هەتا نهۆ (160) حالەت مفادار بوونە ژ ڤان خزمەتێن نۆژداری،هەتا نهۆ مە (800) حالەتێن كەسێن كێشەیێن دەروونی ل كەمپێن( خانكێ ،كەبەرتوو1، كەبەرتوو2، شاریا) هەنە و هندەك ژوانا ئەڤە بۆ ماوێ سالەكێ یە چارەسەریێ وەردگرن، هندەك ژوان پێتڤی ب روونشتنەكا چارەسەریێ نە و یێن ژدەستێ داعش رزگار بووین هەتا نهۆ ژی چارەسەریێ وەردگرن و هەیڤانە نێزیكی (80) حالەتێن دەروونی قەستا رێكخراوا مەدكن ، ب سوپاسی ڤە بەشەك ژوان كەسێن نەخۆشیێن دەروونی هەین و دقۆناغێن ب زەحمەت دا بوون،بەلێ نهۆ ئەو قۆناغ دەرباس كرینە و رەوشا وان یا دەروونی باش بوویە و زۆر هاتیە گهۆرینە و خۆ دگەل دۆخێ ژیانێ دگونجینن.
دەربارەی خزمەتێن یاسایی ناڤهاتیێ گۆت:هندەك كەس هەنە پێتڤی ژبەركو بەشەك ژ ئاوارەیان دیكیۆمێنتێن خۆ ووندا كرینە یان ژی پێتڤی ب (ناسناما، بەلگەنامێن هەڤژینیێ و بەردانێ)نە،رێكخراوا مە دوو پارێزەر هەنە ژبۆ برێڤەبرن و خزمەتكرنا خەلكێ و كاروبارێن وان.
د درێژاهیا ئاخفتنا خۆ دا رۆنكر،خزمەتكا دن یا جڤاكی و دەروونی مە هەیە و تیمێن خۆبەخشێن گەرۆك هەنە ژبۆ ناڤ خەلكێ ئاوارە و ماوێ ڤێ چالاكیێ رۆژەكە،بۆ نموونە ئەو كەسێن ژدەستێ داعش رزگار دبن دێ بێژن مە ببەن پەرستگەها پیرۆزا لالش یان سینەمایێ یان هەر جیەكی كو دەروونێ وان ئارام بكت، زێدەباری هەبوونا خزمەتكا دن یا ژبۆ زەلامان ب ناڤێ پشتەڤانیا جڤاكی بۆ زەلامان،گۆتژی جیێ داخێ یە هەتا نهۆ ل خانكێ چ رێكخراو نینن ژبۆ چارەسەریا دەروونی بۆ زەلامان و زارۆكان ب تایبەتی.
هەر لسەر خزمەتێن پێشكێشی كچ و ژنان دكن رێڤەبەرا رێكخراوا خەلك ئاشكەراكر،مە خزمەتكا دن هەیە وەك ڤەكرنا خۆلێن پیشەیی ژبۆ كچ و ژنان،وەكو (نەهێلانا نەخوێندەواریێ ،خۆلا دروینگەهێ،خۆلا فێركرنا ماكیاژی)پشتی مە دگەل ڤەكۆلەرێن جڤاكی و نۆژدارا دەروونی كری كو مە زانی كچ و ژن پێتڤی ب سەرمایەداریێ نە،دا بكارن فێری وان كارا بن ل پشتی خۆلێ بۆ خر بكارن كار بكن.
ل داویێ و ل دۆر پرۆژەیێن رێكخراوێ خویاكر،مە پرۆژێن بچووك یێت هەین بۆ نێزیكی 40 ژنان ، ژوان ژی مەكینێن دروارێ و فرنێن شریناهیا و هەر ئێكێ ژوان ل دوڤ كا چ كاری دزانت،ئەڤ پرۆژە بۆ وان ژنكایە ئەوێن دكارن دڤی بواری دا كاربكن، لڤێ هەیڤێ دا ل فاملی مۆل دێ پێشانگەهەك بۆ وان ئێتە ڤەكرن،ژبۆ فرۆشتنا بەرهەمێ وان.
تُتاح هذه الصورة أيضا في: کوردی