كوردێن ئێزدى ئهڤ ساله دێ رێورهسمێن جهژنا رۆژيێن ئێزى گێرن
باسنيوز:
بهرپرسێ نڤیسینگهها بابه شێخ مهرجى بلند یێ ئێزدیان دیاركر ئهڤ سالا دێ ئێزدى ل رۆژا 12/12/2017 دهست ب گرتنا رۆژیان كهن ل رۆژا چارى دبیته جهژنا رۆژێن ئێزى رۆژێن ئێزى فهرزن وپێدڤیه ههموو كهسێن ئێزدى ڤان رۆژیان بگرن.
هادى بابه شێخ، بهرپرسێ نڤیسینگهها بابه شێخ مهرجى بلند یێ ئێزدیان بۆ(باسنیوز) دیاركر: “ئهڤ سالا دێ رۆژا 12/12/2017 ئێكهمین رۆژیا ئێزدیان بیت دێ ههموو كوردێن ئێزدى ب رۆژى بن ههتا رۆژا 14/12/2017 دێ ههموو ئێزدى رۆژیا گرن رۆژا چار دبیته جهژا رۆژێن ئێزى ئهڤ جهژنا ئێزدیان پشتى سێ رۆژێن رۆژیان دهێته گێران دكهڤتیه د ئهینیا ئێكێدا ژ ههیڤا كانوونا ئێكێ ب هژمارا رۆژههلاتێ ئانكو ئێزدى دێ ل رۆژا سێ شهمبوویێ و چارشهمبوویێ و پێنچ شهمبوویێ ب رۆژى بن رۆژا ئهینى بیته جهژنا رۆژێن ئێزى”.
بهرپرسێ نڤیسینگهها بابه شێخ مهرجى بلند یێ ئێزدیان دیاركر : ” ئێزدیان ههشت جهژن ههنه ژوانا ژى سێ جهژن ل پهرستگهها لالش دهێنه گێران ئهوژى جهژنا چلێ هاڤینێ وجهژنا چلێ زڤستانێ و جهژنا جهمایێ و پێنچ جهژن ل ناڤ جڤاكێ دهێنه گێران ئهوژى جهژنا سهر سالێ و رۆژیێن ئێزى و بێلندێ وخدر ئلیاس و جهژنا قوربانێ”.
خواجه خهتارى، مجیورى ئولا ئێزدیان بۆ(باسنیوز) دیاركر: ” د سهبهقا قهولى ئێزدیان دا هاتیه سولتان ئێزى خواستبوو گهرمه ههموو چاڤ وههموو دهما سێ رۆژێن دفهرزن لسهر مه دباوهریا ئێزدیاندا رۆژى بۆ خودى نه ههر كهسهكێ ئێزدى بیت پێدڤیه ڤان ههر سێ رۆژیان بگرت رۆژى گرتن ژى ئهو مرۆڤ بهایى ژیانى بزانت چونكو ئێزدى ل سپێدههیان دهمژمێر چار سپێدى رۆژى دگرن ونابیت هیچ تشتهكێ بهێته خارن و ڤهخارن ههتا دبیته دهمژمێر پێنچى ئێڤارى ژ نوكه ئێزدى خارنى وڤهخارنى دخۆن وفتارا دبن”.
خۆیا ژى كر: ” ل رۆژا جهژنا رۆژێن ئێزى جڤاتێن ئێزدیان ل ههموو دهڤهران ل ههڤ كۆم دبن ههكه ئاریشهك دناڤبهرا دوو خێزاناندا ههبیت یا دل مانهك ل جهژنا رۆژێن ئیزدى ئهو ئاریشه دهێته چارهسهركرن ئهڤه كهڤندا ههبوویه ههتا ئهڤرۆكه ژى ئێزدى پیگیریى پێ دكهن”.
تُتاح هذه الصورة أيضا في: کوردی