نێزیكی هەزار خلمەتكار نكارن سەرەدانا پەرستگەها لالش بكن
تۆرا لالش یا راگەهاندنێ
نێزیكی هەزار خلمەتكارێن پەرستگەها پیرۆزا لالش ل باشیك و بارزان ماینە،ژبەر گرتنا رێیا دناڤبەرا باشیك و شێخان دا ئەو نكارن رۆژانە بێن و سەرەدانا لالش و خلمەتێ بكن.
ل پەرستگەها پیرۆزا لالش نێزیكی ( 1200)خلمەتكاران كو ژ چەندین دەڤەرێن ئێزدیان پێك دئێن،هەموو خۆبەخشانە و بێ بەرامبەر خلمەتێ دكن.
(مەروان بەحزانی) ئێك ژ خلمەتكارێن پەرستگەها لالشە، دیاركر كو خلمەتكارێن پەرستگەها لالش ژ چەندین دەڤەرێن ئێزدیان پێك دئێن،بەلێ پتریا وان ژ دەڤەرا باشیك و بارزانن و نهۆ ئاستەنگ بۆ مە چێبووینە ژبەركو رێیا دناڤبەرا باشیك و شێخان دا یە گرتیە و خلمەتكار نكارن بێن و خلمەتا ئێزدیاتیێ بكن و نهۆ ئەم ڤی كاری دكن هێشتا خلمەتكار بۆ مە دڤێن و نێزیكی هەزار ژوان ل باشیك و بارزان ماینە و نكارن بێن هاریكاریا مە بكن،لەوا داخوازێ ژ حكومەتا هەرێمێ دكەین چارەیەكێ بۆ ڤێ رێ ببینن و گۆت:((دئامادەینە بچینە شنگال و وان مەزارگەهان ئاڤاكەین یێن تیرۆرستێن داعش پەقاندین و ژ ناڤبرین)).
ژبال خۆڤە(عامر) كەسەكە ژ بنەمالا میرایە و خلمەتكارە ل پەرستگەها لالش دبێژت:پتریا خلمەتكاران نهۆ نكارن بێن خلمەتێ بكن،ژبەركو رێیا دناڤبەرا باشیك و شێخان دا گرتیە،لەورا داخوازێ ژ حكومەتا هەرێمێ و عیراقێ دكەین ڤێ رێ ڤەكەن داكو ئەو خلمەتكار رۆژانە بێن و خلمەتا پەرستگەهێ بكن،چنكو رۆژانە خەلك و شاندێن ژ دەرڤە سەرەدانا لالش دكن و دڤێت یا پاقژ بت،ئەو چەندە ژی دیاركر ژمارا خلمەتكارێن پەرستگەهێ نێزیكی( 1200)خلمەتكارانە و هەموو خۆبەخش و بێ بەرامبەرن و ئەگەر چارەیەكێ ببینن دێ ناڤێن وان پێشكێش كەین و ئەم دێ دبەرپرس بین ژ هاتن و چوونا وان ژ باشیكێ بۆ شێخان.
تُتاح هذه الصورة أيضا في: کوردی
