مه‌حما خه‌لیل: شنگال دێ بته عه‌فرینا دووێ
باسنيوز:
قائیممقامێ قه‌زا شنگالێ راگه‌هاند كو ئه‌و ژ وێ یه‌كێ دترسن شنگال ببیته عفرینا دووێ، پشتى سه‌رۆك وه‌زیرێن تۆركیا بریارى دا هه‌وا سه‌ربازى دژى شنگال ده‌ست پێ بكه‌ت.
مه‌حما خه‌لیل، قائیممقامێ قه‌زا شنگالێ تایبه‌ت بۆ (باسنیوز) دیاركر، هه‌تا نها هێزێن په‌كه‌كێ ژ شنگالێ ده‌رنه‌كه‌فتینه و ب تنێ ب رێیا راگه‌هاندنێ ئاشكرا كریه دێ ده‌ركه‌ڤن و هێشتا چو دیار نینه و دناڤ شنگالێ دا ماینه و ژ به‌ر ڤێ یه‌كێ نها مه‌ترسیا ئۆپه‌راسیۆنه‌كا سۆپایێ توركیا یا مه‌زن ل سه‌ر شنگالێ هه‌یه و ئه‌م ژ وێ یه‌كێ دترسین شنگال ببیته عفرینا دوویێ.
ئاشكرا ژى كر كو شنگال ب خوه ده‌ڤه‌ره‌كا وێران و خرابكریه و شیان نینن خوه ل به‌ر چو شه‌رێن دى بگریت و مه ب چو ره‌نگان ژى نه‌ڤێت شنگال ببیته مه‌یدانا شه‌رى دناڤبه‌را سۆپایێ تۆركیا و هێزێن په‌كه‌كێ دا.
قائیممقامێ قه‌زا شنگالێ ئه‌و یه‌ك ژى نه ڤه‌شارت كو حكوومه‌ت عیراقێ نها به‌رپرسه ژ پاراستنا شنگالێ و كا چاوا حه‌شدا شه‌عبى نها هاتیه تێدا، ل سه‌ر وان پێدڤیه بپارێزن ژ هێزێن سۆپایێ تۆركیا و په‌كه‌كێ.
تُتاح هذه الصورة أيضا في: کوردی