لهشكهرێ عێراقێ بوويه مهترسى بۆ خهلكێ شنگالێ
تۆرا لالش يا راگههاندنێ/ خهلیل شڤان حهجی
لهشكهرێ عێراقێ لسهر ئهنجام دانا مهشقا سهربازى ب شهڤێ ل ناڤ خهلكێ سڤیل دا ل شنگالێ بهردهوامه و ڤێ يهكێ ترس ل نك خهلكێ پهيداكريه.
قاسم شهشۆ،فهرماندێ گشتی یێ هێزێن پێشمهرگهى ل شنگال دیاركر:”ئهڤه چهندين جاره ئارتێشا عێراقێ مهشقا سهربازی ل نێزیك كۆمهلگهها بۆرك ئهنجام ددهت،ئهڤه تشتهكی كرێته حكوومهتا عێراقێ دكه و نائێته قهبوولكرن كو بێن مهشقا خۆ یا سهربازی ل ناڤ خهلكێ سڤیل دا بكن،ئهگهر راسته هاتینه پاراستنا دهڤهرێ بكن بلا بچن سنوورا بگرن نه بێن ترسێ نیشا خهلكێ مهدهنی بكن ژبهر ههتا نهۆ خهلكێ شنگالێ دترست ئهگهر دهنگێ تهقهیا بهیست،لهوما ئهم داخوازێ ژ حكوومهتا عێراقێ دكن كو ئهڤ مهشقا سهربازی یا كو ب شهڤێ ئهنجام ددهن بێته سهكناندن”.
شاكر نایف،ئاكنجيهكى شنگالێ يه گۆت:”لهشكهرێ عێراقێ و میلیشیاتێن شیعه ههتا نهۆ چ تشت بۆ شنگالێ نهكرینه ژبلی تێكڤهدانا كو ل دهڤهرێ دكن، ژههموو ئالیان ڤه رهوشا شنگالێ یا خرابه چ ژ ئاليێ ئێمناهيێ ڤه یان ژی تهندروستی و پهروهردێ و خزمهتكارى ڤه،ئارامیا دهڤهرێ ل پێش ههر تشتهكى يه لێ هێشتا نكارینه ئاراميێ ب چهسپینن ل شنگالێ بتنێ خۆ نیشا خهلكێ دكن و ب شهڤێ ترسێ دئێخنه دلێ خهلكێ ب چالاكيێن خۆ یێن سهربازی ،داخوازا مه ئهوه ئهڤ جۆره چالاكی بێنه سهكناندن”.
پشتی 16ى ئوكتۆبهرا 2017ێ لەشکەرێ عێراقێ و میلیشیاتێن شیعه دهربازى ناڤ شنگالێ بووينه،لڤێ داويێ لهشكهرێ عێراقێ ب شهڤێ دهست ب مهشقا سهربازی كريه و ڤێ يهكێ ترس ل نك خهلكێ پهيداكريه و بێزاركرينه.
تُتاح هذه الصورة أيضا في: کوردی