ئیدارەیا شنگالێ پەیامەکا نەرازیبوونێ ئاراستەی بەغدا و واشنتن و هەولێر و نەتەوەیێن یەکبووی دکن

ئیدارەیا شنگالێ پەیامەکا نەرازیبوونێ ئاراستەی بەغدا و واشنتن و هەولێر و نەتەوەیێن یەکبووی دکن
شنگال-KDP.info-

پشتی نەهژمارتنا دەنگێن ئاوارەیێن شنگالێ و ئەڤێ یەکێ ژی کارڤەدانێن مەزن ل پەی خوە هشتن، و بوویە ئەگەرێ وێ یەکێ کو ئیدارەیا شنگالێ پەیامەکا نەڕازیبوونێ ئاراستەی بەغدا و واشنتن و هەولێر و نەتەوەیێین یەکبوویی بکەن.

پشتی ئەنجامدانا هەلبژارتنێن جڤاتا نوینەرێن ئیراقێ ل رۆژا ١٢-٥-٢٠١٨ـێ، هژمارتنا و جوداکرنا دەنگان و کۆمسیۆنا بلندا هەلبژارتنان ئەنجامێن داویێ راگەهاندین و چو بەربژارێن خەلکێ شنگالێ دەرنەکەفتنین و نەگەهشتینە جڤاتا نوینەرێن ئیراقێ نەڕازیبوونەکا مەزن دناڤ جادەیا ئیزدی دا هاتە دیارکرن.

ل سەر ڤێ مژارێ ژی مەحەما خەلیل ددەتە خویاکرن، کو کۆمسیۆنا بلندا هەلبژارتنان بەرپرسا ئێکەما ژ ڤێ کێشەیێ و و ئەم وەک خەلکێ شنگال و زوممار و رۆژئاڤایێ دیجلە پەیامەکێ ئاراستەی بەغدا و واشنتن و هەولێر و نەتەوەیێین یەکبوویی دکەین و نەڕازیبوونا خۆ دیاردکەین.

دبەیاننامێ دا هاتیە، وەک دهێتە زانین کو ئاخا شنگالێ و ئاینێ ئێزدی کەڤنترین ئاینە ددیرۆکێ دا، و ب توندترین شیوەی ئێزدییان ل سەر دەستێ داعشێ هاتینە کۆملکوژکرن و نها ژی ئێزدیی ژیانەکا نەخۆش دبۆرینن و زێدەتری ٨٥% ئێزدی د کەمپاندا ژیانەکا سەخت دەرباز دکەن بەلێ وب رێژەیا زێدەتر ژ ٨٩% پشکداری د هەلبژارتنان دا کرن .

دیارژی کر، پیلانێن دەرەکی و ناڤخۆیی و کۆمسیۆن ل سەر وێ یەکێ سۆربوون کو دەنگێن ئیزدییان ژناڤببەن و ئەڤە ژی دوماهیک پلان نینە کو خەلکێ رۆژئاڤایێ دیجلە ژ بەر دنالت، و هاتیە پشت گوهــ هاڤێتن.

ل گۆری بەیاننامێ ئەو یەکە ژی هاتیە، داخوازێ ژ حکومەتا عیراقێ و نەتەوەیێن یەکبووی و هەرێما کوردستانێ و کۆنسلخانەیا ئەمریکا هەموو جهێن پەیوەندیداران کریە ژبۆ پێدانا مافێن دەستووری و نوێنەراتیەکا راستەقینە و دادوەرانە و ل گۆر ژمارا ئاکنجیان بەهایێ ئێزدییان بدەن ژبۆ کو وەک نوێنەرێن بشین بەرگریێ ژ ئەوێ کۆمەلکووژیا ب سەرێ ئێزدییان دا هاتی بکەن.

بەریا چەند رۆژان ژی پارتی دیموکراتی کوردستان ل سەرێ یەکێ بەیاننامە دەرخستیه و دیارکر کو دەنگێن کوردێن ئێزدی هاتینە ئەنفالکرن و پلانەک هەبوو کو پارتی ل مووسلێ نەبیتە هێزا ئێکێ.

ئێزدییان ل هەلبژارنێن جڤاتا نوینەرێن ئێراقێ دا زێدەتری ٨٠% پشکداری د هەلبژارتنان دا کر و رێژا ٨٩% خەلکێ شنگالێ کو رێژا هەری مەزن ئێزدی ل وی باژاری دئاکنجینە پشکداری کرن.

د ڤان هەلبژارتنان دا ٣ کەس دەرچوون و بوونە ئەندامێن جڤاتا نوێنەرێن ئیراقێ و چ کەسێن خەلکێ شنگالێ نەبوون ل سەر ڤێ یەکێ ژی مەحەما خەلیل راگەهاند، هەموو جاران خەلکێ شنگالێ نوێنەرێن خۆ هەبوون ل وێ جڤاتا نوێنەران ژبلی ڤێ جارێ ئەڤە ژی زوڵمەکا مەزنە.

ئیزدی ل ب ڕیژەیا ٩٠% دکەڤنە نافچەیێن کوردستانی یێن ژ دەرڤەی ئیدارەیا هەرێمی و ١٠% سەر بە هەرێما کوردستانێ ڤەنە و ل پارێزگەها دهۆک د ئاکنجینە و خەلکێ شنگالێ زێدەتر ٨٥% دئاوارەنە ل هەرێما کوردستانێ.

تُتاح هذه الصورة أيضا في: کوردی