جڤاتا مووسل: رەنگە هێزێن ئەمریكێى ل شنگال رێیا ئیرانێ بۆ سوریا بگرن
باسنيوز:
سەرۆكێ كوتلا برایەتی و پێكڤە ژیانێ ل جڤاتا پارێزگەها مووسل دیاركر: “هیزێن ئەمریكێ بۆ چیایێ شنگال و قەزا بەعاج و دەڤەرا ئوم زیبان و ئوم جریس ل سنورێ قەزا بەعاج هاتینە. ئەم داخازێ دكەین رێگریێ ل دەستێوەردانا ئیران ل دەڤەرێ بكەت ورێیا ئیران بۆ سوریا بهێتە گرتن”.
سەیدو چەتۆ، سەرۆكێ كوتلا برایەتی و پێكڤە ژیانێ ل جڤاتا پارێزگەها مووسل بۆ (باسنیوز) دیار كر: “هێزێن ئەمریكی ل سەرێ چیایێ شنگال مەزارگەهێ چل مێرا هەتا دگەهتە بەعاج هاتینە بەلاڤكرن. هەتا نۆكە بۆ مە وەكو جڤات ئاشكرانەبوویە مەرەما سەرەكی یا هاتنا هێزێن ئەمریكێ بۆ دەڤەرا شنگال وبەعاج چیە لێ رەنگە ژ بەر نەمانا بەرمایكێن تیرۆرستێن داعش و گرتنا رێیا ناڤبەرا سوریا و ئیرانێ دا بیت. ئەم داخازێ دكەین هێزێن ئەمریكێ رێگریێ بكەن ل دەستێوەردانا ئیرانێ ل دەڤەرێ و رێ بهێتە گرتن ناڤبەرا سوریا و ئیرانی دا”.
خویا ژی كر: “هەكە هێزێن ئەمریكی بۆ دابینكرنا ئارامیێ هاتبنە دەڤەرێ ئەڤە كارەكی گەلەك باشە. داخوازیا مە ئەوە رێیا ئیران بۆ سوریا دناڤ ئاخا عێراقێ دا بهێتە گرتن ودەستێوردانێن ئیران ل دەڤەرێ نەمینت”.
تُتاح هذه الصورة أيضا في: کوردی